المساعد الشخصي الرقمي

مشاهدة النسخة كاملة : قصيدة باستشهاد الكاظم ع


علي المكصوصي
19-08-2009, 03:24 PM
بسم الله الرحمن الرحيم
يا اسد بغداد جينة سائرين عالجدم نمشي بمصابك زائرين
بالضريح انطوف نلوي جف الخوف
والدمع لوسال يصرخ ياسجين
*******************
الكًَََلب لو سجنتة بصدري الضلوع
ينزل من العين كًَلبي وية الدموع
من يلوم الدمع لو شال الجموع
بلا دمع ما تنشر النور الشموع
تمشي عالرجلين دمعتي وية العين
ومن تون يسير وياهة الونين
***************
احنة نمشي لكربلا بكل اربعين
وهسة لارض الكاظمية كًََاصدين
جينة نمشي واجة ويانة الحسين
يشوف ابنة وحانية ضلوعة السنين
واعتنة العباس يمشي بين الناس
من لهفتة بلا يسار ولا يمين
***************
نعتني لبحر الكرم نطفي الذنوب
وعلى دربك تمشي ويانة الدروب
والشمس لو اخرت وكت الغروب
الشمس معذورة اجت يمك تتوب
اتسمرت علباب شمت الاعتاب
غسلت الشباك بدموع الحنين
***********
انت انوار العرش طافت عليك
والعرش ناح اعلة اغلال البديك
والفرات يشيل دجلة ويعتنيك
يعني كل الكون بمصابك يجيك
يصير كلة الكون بالمصاب عيون
من ينوح تطيح من ادموعة عين

******************
اليوم اجة جسر الايمة يعتذر
يصيح يامولاي مني اقبل عذر
من لهفتة اعليك هز روحة الجسر
وراد يزحف لك على خدود النهر
هالجسر مفجوع اتكسرت لة اضلوع
مدري يبجي اعليك لو عالزائرين

***************
كلمات الشاعر الحسيني
سيد علي المكًصوصي

جـــرح الحبيــب
01-09-2009, 07:17 AM
شـكــ وبارك الله فيك ـــرا لك ... لك مني أجمل تحية .

اريج الجنه
01-09-2009, 08:33 AM
شـكــ وبارك الله فيك ـــرا لك ... لك مني أجمل تحية .
جزاك الله خير الجزاء:65: