المساعد الشخصي الرقمي

مشاهدة النسخة كاملة : شعر بمناسبة مصاب الامام علي عليه السلام


عاشقة الابتسامه
08-09-2009, 05:56 PM
راسك ينصاب وسط المحراب
يابويه ويابو الاحرار

الله اكبر هذا يومك تردد بي اسمع وتكول
عن مصابك كال الهادي ياسيف الله المسلول
هذا الغادر وابمحرابك ياحيدر وبسيفه يصول
يشيل السيف الراسك يطبر من الهامه هوه ينول
وانته ساجد لن الحاقد
يطبر للهامه ابتار

الله أكبر هذا ليلك لتنام وانت ولاترتاح
مره ساجد مه تردد ايه القران الوضاح
ويه الفجر طلعت تصلي لن الوز بوجهك صاح
باب الدار نفل حزامك كلت نشده للسفاح
شد حزامك لن كدامك
عبد الشيطان الغدار

الله أكبر هذا مصابك يابويه ابوكت الاذان
رحت تصلي بجمع الكوفه متحضر عبد الشيطان
يابويه وباول سجده من هام السيف الخوان
لنه بسيفه الغادر هدم هدم من الدين اركان
الله الكبر طاح مطبر
فزت انته ورب القهار

بالدم سيفه مطعم هوه وبيده جابه اشرار الناس
لن بسيفه الغادر يطبر لن يضرب أعظم راس
لهذا مصابك بويه الدينه دينه تنوح بلايه احسا س
هز العرش بهاي الطبره من علمت ذوله الارجا س
من تصوب شيبه تخضب
هوه يصلي للجبار
أدم وسليمان ويونس وابراهيم وعيسى ونوح
أيوب ويعقوب ويوسف داوؤد وهارون ينوح
ودريس وموسى المايهجع واسماعيل اليفدي الروح
واسحاق وكل هذا العالم كله فدوه يريد يروح
يضحي لجلك بمصابك اصبح مجروح
ياحيدر من اللي صار

لمصايك مرجون العالم بسمانه ينحب جبريل
لن الصوت ينادي نحركه عنكم غايب حامي دخيل
والايات تعزي بفكره زبور وقران وانجيل
تنحب كله لهذا مصابك يدك ويلطم اسرافيل
لفكدك حيدر من يتصور
لن غايب حماي الجار

راد الحاقد يمسح أسمك من هالرايه وسيف وجود
سر ايات التكوين انته يابويه وسر المعبود
مايدري يدري الحاقد هالشيعه حب حيدر بيهه معكود
بكلب الشيعي ضريحك حيدر حب البيهه بلايه حدود
انته المصدر يوم المحشر
جفك يرفعنه من النار

من دخل للمسجد ينادي الصلاه
نايم المجرم عله وجهه لكاه
كبر وناده أذكروا اسم الاله
كام سيفه وجرده من كرابه

صاح ابيمانه علي ونوره وركع
سيفه بيده المجرم وهوه طمع
من رفع راسه الفحل لنه وكع
زنضرب حيدر وسط محرابه

مارجف جفك ولاصابه الشلل
شلون السيف ياابن ملجم قبل
يرفع السيف بضرب خير العمل
والسمه دم مطرت بصوابه

صاح جبريل وصرخ بعله السمه
من نضرب حيدر علي حامي الحمه
هتزت اركان العرش من الدمه
ناحت املاك السمه امصابه

رادو يمسحون أسمك ياعلي
بضربت المحراب ظنهم ينجلي
مادرو وسط الكلب مملي ملي
أسمك يردد صداه اجوابه

مااجورين

اريج الجنه
08-09-2009, 06:01 PM
و عظم لكِ الاجر بوفاة امير الامة الامام علي عليه السلام
مشكووووووورة
ع الطرح موفقة دووما

عاشقة الابتسامه
08-09-2009, 10:14 PM
اجورنا واجوركم

نورتِ

عاشقةالبتول
08-09-2009, 10:28 PM
و عظم لكِ الاجر بوفاة امير الامة الامام علي عليه السلام


مشكووووووورة

كاظم البصري
08-09-2009, 10:37 PM
مشكورة كثيرا وعزائنا واياكم بمصاب مولانا امير المؤمنين عليه السلام

عاشقة الابتسامه
08-09-2009, 10:55 PM
جورنا واجوركم

نورتم

مهند الغانمي
09-09-2009, 12:10 PM
موفق بإذن الله ... لك مني أجمل تحية .

افنان
11-09-2009, 09:03 PM
موفق بإذن الله ... لك مني أجمل تحية .