بكيفي العب بل شعر

[عراقي وافتخر]

هاك اخذ اخر قصيده
يجوز حلوة يجوز موزونه وجديده
هاي يمي بكيفي العب بالقوافي
بكيفي احط بكيفي اعوفد يوصله الما اريده
هاتعجبك ماتعجبك هاي يمك
كلمن يهمه اليفيده.. ولو تقراها مثل ماتقرأ اخر خبر
عن حقل الوفيات بجريده ولو من تشوفني ابجي
تكول شاعر ودمعه الشاعر بريده بس بيها حزني
وبيها همي وبيها دمي الماكطع بنزف وريده
وبيها صوتي وبيها موتي وبيها نعشي .....
الظال بايت للصبح ما
حد يوصله الباب كبره وهاله التربان بيده..
خلني ساكت...لاتحجيني اعلى بختك سكتت الشاعر قصيده...
وهاك اخذ اخر قصيده ... ليل ومكاطر دمع والروح من كثر الهضم صارت ونيده
سمج زعلان اعلى مايه طلع الشاطئ يتنشك ... لكه الريح مسودنه ونحرت البيده...
طفل نام ... ولحد مافز ما لكه امه ...
وصاح يمه دمعته حركت اخديده .. خوش سوه وياي وكتي
سنسلاني بسلسله وثكل حديده.. ومابعد بي حيل اعوفه
ولايهدني ودك ربت بالارض قيده..راح طوري الجنت اغنيه
وتسمعه وتنتشي وتكلي عيده .. يازمان اشبدل الذهب اللعيبي
وصاغ الخشاله اعلى جيده يكتلك البطران لو مر.. عيدك امبارك يكلي مرت ايامك سعيده
انا يوم العيد حزني .. وهو يوم العاشره بعاشور عيده .. حزني من زينب اخذته
بيوم حد فاركت وليانها وظلت وحيده وزاد صبر ايوب صبري
وهم بعد قاطات ازيده.. وحتى اخوك الي توده.. دك دكه مردانه بعضيده
يواكحك ويمد اصبعه بعينك . وماجن جنت تجايته لظهره وسنيده
يضحك بسن الشماته .. من يشوفك طايح بشده شديده
عشت مطرود اعلى روحي .. ماحد يلفي الطريده
عشت مطلوب اعلى عمري .وكلها طلابه تريده
ليش وابن ادم على ابن ادم تقوى .. ولاكفه وتكول جن صايدله صيده
انا موش لابن ادم شكوتي .... الشكوى ينزف لاتلجمه .. بهيده وي جرحي بهيده
جروحي تشتاك لجمها .. مثل بزون وتحب خناكه وتشتاك ليده
دنيا مدري شلون نفتر ... سوت الخايف عجيد وطيحت حظ العجيده
دنيا مدري شلون تفتر .. بيها ناس امسودنين والماتسودن كظ سرى يتاني السويده

دنيا مدري شلون تفتر .. خانت بربع الحسين . وتبعت الشام ويزيده ..


منقوووله للأمانه لشاعري عباس جيجان
تحياتي لكم واتمنى مروركم الحلووو

[:: بحر ::]

* يسلمو *