المساعد الشخصي الرقمي

مشاهدة النسخة كاملة : يوم الاربعيـــــــــن


باب المراد
26-01-2009, 05:33 AM
http://hajaryat.com/vb/images/icons/ayg/000004.gif
بسم الله الرحمن الرحيم
اللهم صل على محمد وآل محمد وعجل فرجهم
هذه قصيده منبريه للرواديد

يــــــوم الاربعيــــــــــــــن
ــــــــــــــــــــــــــــــــــــــــــــــــــ ــــــــــــــ
أجينه اليوم === كفايه النوم
كوم ألنه يحامينه
ـــــــــــــ
كوم ألنه يبن حيدر == أجينه أمن الاسر ألكم
عفناكم على الغبره == ماعدنه أمل منكم
أجينه أبلهفه وبحركه == نريد أحنه نخبركم
ماصار أو جره أعلينه == من سار الضعن عنكم
ولونه أشرار === علتنه النار
تحركنه أو تشب بينه
ـــــــــــــ
دليني يبو الباقر == على أبن أمي دفنته وين
دليني على الاكبر == دفنته وين يبن أحسين
رضيع أحسين خبرني == دفنته وين يبني الزين
عمك ياشهم وينه == تره ماذيه سهم العين
سهم آذاه === دفنته أوياه
سهم العين ياذينه
ــــــــــــــــــ
أسولفلك يبو فاضل == شنهو الصار من عفناك
أسرونه يبو الشيمه == أخذونه يخويه أعداك
طفل أيطيح من هودج == وصيح آني يخويه أنخاك
طفل أيصيح ياعمه == وظن آني تجيني أتناك
نظر يربي === ألم يدبي
والأنذال سابينه
ــــــــــــ
ضعنه من دخل كوفان == خوارج ذوله سمونه
يجهلونه نسبنه الكوم == وبونه ما يعرفونه
ونه زينب كلت ياناس == أبونه الواضح أبكونه
أبونه المرتضى الكرار == وأحسين التجهلونه
شبل حيدر === غده أموذر
وكع بالحوم والينه
ـــــــــــــــ
أبن مرجانه يسألني == أخوج أحسين جا وينه
ما ينهض يحاميكم == يشوف الصار وبعينه
كلتله أحسين دم ثاير == فده الدين أبشرايينه
مابايع يزيدك ثار == على كل باغي أو شينه
دماه سالت === وهج صارت
حيت نهج النبي أو دينه
ــــــــــــ
شسولفلك بعد يحماي == لعد أيزيد ودونه
دخلنه المجلسه المشؤوم == والاشرار كيدونه
شفت راس السبط عنده == عن شوفي يغطونه
سمعت ايزيد يحجي أيكول == ماشاف اليردونه
حجيت آني === عله شاني
وضح حكنه أبميادينه
ــــــــــــــــــــــــــــــــــــــــــــــــــ ـــــــــــــــــــــــ
مع تحيات شاعر أهل البيت / جابر النجفي