المساعد الشخصي الرقمي

مشاهدة النسخة كاملة : ابوذيات روووووووووووووووعه


نجمة البصره
15-02-2010, 07:13 PM
شعجب وياك مامقبول عذري
وانت ابن العشاير جمع عذري
حبنا وياك يامدلول عذري
جميل وقيس صار ونهم الية
:11790700490:
روحي اتسب هجر روحك حشاها
مريضة ابهل سبب صارت حشاها
اظن فكري الذي الكم حشاها
على كيفك فلاتحمل اذية
:11790700490:
اغط الكلب وسط البحر ينباك
لان يهوى كعدتة دوم ينباك
اذا اسلاح البديك ابغفل ينباك
اشلون اتاملك تنطر علية
:11790700490:
الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
:11790700490:
كلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه
:11790700490:
بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف اهل العكل شتلوم بيه
:11790700490:
الوكت بيده لزم روحي وشرهه
بنص وادم ولانعرف وشرهه
بمزاد يريد بيعته وشرهه
شرتهه ومارضت جيفن ابيه
:11790700490:
البجي خلص على دموعي وشلهن
وحرت شلون الملم جروحي واشلهن
اعوذا بالدحى خيبر واشالهن
يحفظك كل صباح وكل مسيه
:11790700490:
اليالي كثر باطلهن وشرهن
وبعد مااعتب عليهن وشرهن
شبيعن لليداعيني وشرهن
البقن بالدار كلهن موش اليه
:11790700490:
عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه
:11790700490:
عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه
:11790700490:
وحق من نزل الايه ولكتاب
جاز الكلب من عدك ولكتاب
رسايل بعد مادزلك ولكتاب
لان كلهن ترجعهن عليه
:11790700490:
صديقى وظل غدر ينبظ وريدة
ويصاحب صوج كلبي من ورا ايدة
غدرني الجنت احبنا واريد
ووفالي الجنت اظنه يخون بية
:11790700490:
على كبري ردت تذكار خطك
لان احلى من العسل يهواي خطك
ذبحنى شما ادك مشغول خطك
صفى بس المسج ساتر علية
:11790700490:
بغرامك تيهت اصلي وجدي
لان ماتعرف مزاحي وجدي
اباب اهلك لريد اكعد واجدي
بلكت ينكسر كلبك عليه
:11790700490:
الفرح ماضن اجه للروح بسط
وعلى ظهري تدك دنياي بسط
الوكت بعضاي يم عداي بسط
وحاجه بربع ضل يبيع بيه
:11790700490: :oilkftr (27):اتمنا اعجابكم :oilkftr (27):

ابن المرجعية
24-02-2010, 01:48 PM
سلمت على ارق اكلمات
واعذبها كلمات حقا معبره عن ارق المشاعر
تحية محملة بباقة ورد جورية
هناك شمس الامل تسدل اشعتها الذهبية
كلمات رقيقة راقية
تحمل معها رقة الأحساس والمشاعر
راقني ما قرأت هنا
ننتظر جديدك بكل الشوق والود

نجمة البصره
24-02-2010, 02:27 PM
اسعدني مرورك نور الصباح :11790700490: