ابوذيات

[نجمة البصره]

عجب ثوب الصبر لاعتك لاباد
وبس حظي بزوية دوم لاباد
فرض ربي علية فرض لابد
احب شامت ومدلة اثنين ايدية
%%%%%%%%%%%%%%
بشفاعتكم يبو الحسنين محنه
نحبكم من كبل وحنه بمحنه
ننخاكم لون طحنه بمحنه
وكرامتكم من رب البريه
%%%%%%%%%%%%%%
عليك الدمع يجري تكول شلال
عكبك يالجنت لجروحي شلال
اذا رايد تجيني لسوك شلال
بشارع عدن بس اسأل عليه
%%%%%%%%%%%%%%
عشرتي وياج مثل الشجر يمي
ولا يجازه تعب ارباج يمي
ما ملج واريدج دوم يمي
وريدن دوم جمعتنه سويه
%%%%%%%%%%%%%%
اريد بليل اجيك وغفل بسكوت
يالشفتك عسل والطعم بسكوت
لون انسه جميع المدن بسكوت
لان مزروعه روحي بشواطيه
%%%%%%%%%%%%%
طويل وياج ما يخلص حواري
يهل حسنج مثل حسن الحواري
راوانه الوكت لكن..... حواري
واشوفه الضهرميزان وثريه
%%%%%%%%%%%%%%
فوك الحمل تثكاله علي صار
ادين والاخو فلوسه علي صار
انشدك وين ياصاحب علي صار
ابو الشدات اريده يفزع ليه
%%%%%%%%%%%%%%
كلبي من انتظارك صار سلفه
وتدري انت بخوك انتعل سلفه
اذا مامش هديه عاد سلفه
انا العطشان تنكط ليش اليه
%%%%%%%%%%%%%%%
يدنيا ارجوج اليه مره صيدي
وحظي دوم طاير مره صيدي
اليخابرني يكطعه مر صيدي
الاثير وي الزمان اطبك عليه
%%%%%%%%%%%%%%%%
افتر عل العرب مديت ديان
سدبابه السمعني جاي ديان
لون عشرة الي وي موش ديان
وده وي السفير اصكوك اليه
%%%%%%%%%%%%%%
على حبك باب الكَلب سكر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية
%%%%%%%%%%%%%%%
شاب من العشق راسي وشعري
وقلت كل النثر فيكم وشعري
ربيان البحر كلته وشعري
وتشهد لي صحون البندريه
%%%%%%%%%%%%%%%%
احبك مااحب غيرك بلا حد
بس سيف البعد يكتل بلا حد
كنيسه وانتظر جيتك بلاحد
وبجمعه وسبت انتظر جيه(ييه)
%%%%%%%%%%%%%%%%%
سحرني بنظرة عيونه وجيده
وانا فن الغزل اعرف واجيده
حرت مابين لعمادي وجيده
ولنصاري ولجناحي سويه
%%%%%%%%%%%%%%%%
لغيرك في الوفا يافلان مااشهد
ولك محضر بوسط القلب مشهد
حجزت التذكره دمام - مشهد
ومن بلادك طرت شنهي القضيه؟
%%%%%%%%%%%%%%