المساعد الشخصي الرقمي

مشاهدة النسخة كاملة : دارميات مع ردودهاا


نجمة البصره
03-06-2010, 09:37 PM
بسم الله الرحمن الرحيم
تدري آني شعري سهام لو صوبيتك *** من كلبي هذا أحساس تفهمني ريتك
الرد

أعرف أسرارك زيــن وعرف سهامك ... طيبة ومحبة البيك موضع كلامك

.................................................. ......................................

يم بيتي ريتك كون واشمرلك العين *** تشبعلي منك شوف وتردلي بعدين

الرد

أشمرلك العينين لو يمي بيتك *** وانتحر ست مرات لو ما لكيتك
.................................................. ..............................

مومن مرض ونيت من كثر لفراك *** صدكني كلبي عليك كل لحظه يشتاك


الرد

مومن مرض ونيت من كثر لهموم *** صدكني كلبي عليك كل ساعه ملجوم

.................................................. ..................................

أنحـب وهل دمعات مخبوطة بدماي ... وأصرخ وحشم الناس رجعولي أهواي


الرد


لا تنحب أنت هواي ولا تذرف دموع ... لو أدري أرد أزحوف أرجعلك أرجوع

.................................................. .............................................

صبح غصن مبيوك ولشجره تبجي *** شنحلف العصفور لو ردنه نحجي


الرد

الشجره بيهة الصوج شغلتهة هيته *** والذنب بلعصفور ما حامي بيته

.................................................. .......................................
كسر العظام يهون هم يشفى ويروح *** حيرت اليجبرون لان كسري بلروح

الرد


سهله الكسر بلروح تندل مكانه *** بس جرحي وين يصير مااعرف انه
.................................................. ........................................

كتلج صباح الخير بس طلعة الروح *** ويه الصباح اتريد لعيونج تروح

الرد

كون الصباح الخير مو كلمه عدج *** كون من ادزها اتطيح بوسه اعله خدج
.................................................. .......................................
شوف اشكثر بذات ذاك الاحبة... جايبلة ماي العين ومن ايدي ذبة

الرد

زين انت ذب الماي وبارد احساسه ... جدامي يابن الناس ابرجلة داسة

.................................................. ..................

كون انكلب فلاح وازرع وردكم ... وبحجة التأخير اتغدة يمكم

الرد

تتمنى بالتاخير تتغدة يمنة ... واتمنى دوم أتصير انتة من اهلنة

ابو ياسر الكعبي
13-06-2010, 10:54 PM
حياك الله
أيتها النجمة الساطعه

وتقبّلي مني بيتين من الدارمي

ارتجلتهما عله وجه السرعه

مو كل نقلّك بيت اتحسبه ذوّاق ............. ذوق الشعر معروف عد اهل العراق

الدارمي امن السان نجمة البصره .............. متسلسل ومملوح عشره اعله عشره

تقبلي مروري البسيط

ابو محسد
15-06-2010, 11:06 PM
بسم الله الرحمن الرحيم
سلمت نجمة البصرة لنقل ابيات الدارمي الجميلة
الشاعر ابو محسد

نجمة البصره
17-06-2010, 10:21 PM
اشكرك ابو ياسر الكعبي على الرد الجميل

واشكر الشاعر ابو محسد على الرد

اسعدني مروركم :65: