المساعد الشخصي الرقمي

مشاهدة النسخة كاملة : مصابك ياعلي الهادي


ابو ياسر الكعبي
15-06-2010, 09:31 PM
بمصابک ياعلي الهادي أملاک السمـه تنادي


هتکو حُرمة الرحمـن بگبرک ذبحوا القـرآن


***


من برج السمه السبعه هتف صوت الفجيعه وصاح


ودمـع اهـل العرش من دم تفجّر للمصيبه وسـاح


نزل لهل الارض جـبريل وتوشّح بالمناحه اوشـاح


ولمّـن گبتک طاحـت گلب جدک مُـحمّـد طـاح


حضن گبرک گلب جـدک عله الدنيه العفه بـعدک


عليک اتنوح إنس وجـان بگبرک ذبحوا القـرآن


***


إعتـدوا عالخالق المعـبود لمّن فجّرو گبـرک


رادو نـورک ايطفـّوه همـهم ينمـحي ذکـرک


ومـا يـدرون سـر الله مکنـون ابّـرج سـرّک


وکل الرُسل هاذه اليوم تسبّح لايذه ابکـترک


ينـور الله المـايطفـه يـاسر حکمـته اولُطفـه


لجلک ناحت الأکـوان بگبرک ذبحوا القـرآن


***


ارکـان الهُده انهـدمت لمَّن هدموا الگـبه


ومن اعتدوا عالمرقد هتکوا حرمة الکعبـه


ولأنک وجه رب الکون وإلک من رهبته رهبـه


کل مـذنب لون ناجـاک بسمـک ينغـُفـر ذنـبـه


لا والله ميـگـدرون معـالم نهضتـک يمحـون


إنته القُـدره والأمکـان بگبرک ذبحوا القـرآن


***


ابگبتک يـاعلي الهادي أشاهدکل حزن عاشـور


أشوف إخيام تلهب نـار والعسکر عليها يـدور


أشوفن طـبرة الکـرار بجسد فوگ النهر منحـور


أشوف ابنبش گبر اُمّک إنهدمت للبقيع اگبـور


أشاهد گبـة الـعبـاس لمَّـن صـابهـا الارجـاس


واصيح ابهجمت العـدوان بگبرک ذبحوا القـرآن


***


هجموا کل بني سفيـان رادوا طَمِـس انـوارک


وکل مجـهودهم بـذلوه لجل يمـحـون آثـارک


وما حسّـبوا من يثـور غضب بُـرکان ثـوَّارک


لحد گطع النِفس للموت بسمک تهتف انصارک


يـذبحـونه ويفجـرونـه عنَّک ما يمنعونـه


ولانَّک للشرف عنـوان بگبرک ذبحوا القـرآن


***


انته المعتقد والـدين وفريضتنه وشعائـرنه


ميگـدرون يمـحونک لأن انته ابضمايـرنه


گبتـک بـالگلب شمّـَاء مبـنيَّه بسـرايـرنه


نرخصها الدمه دونک ونفديلک مناحرنه


يالحُبک عقيدتـنـه شرفنه وسورنه وعِـزنـه


صحنک کعبـة الغُـفران بگبرک ذبحوا القـرآن


***


ابوياسرالکـعبي

ابو محسد
15-06-2010, 11:21 PM
بسم الله الرحمن الرحيم
اجاد اجاد ابا ياسر لقصيدة شعبية معبرة وناطقة
قل نظيرها من عيون الشعر الشعبي ,بوركت شاعرا بشعبيته
وقريضه مجيدا فذا
اخوك الشاعر ابو محسد

محـب الحسين
16-06-2010, 12:26 AM
أحسنت اخي العزيز
قصيدة رائعه
مأجور ان شاء الله

ابو ياسر الكعبي
21-06-2010, 08:48 AM
بسم الله الرحمن الرحيم

اجاد اجاد ابا ياسر لقصيدة شعبية معبرة وناطقة
قل نظيرها من عيون الشعر الشعبي ,بوركت شاعرا بشعبيته
وقريضه مجيدا فذا

اخوك الشاعر ابو محسد

استاذي وشاعري الكبير

ابا محسد

ما زلت تخجلني بمرورك الرائع

وبإطرائك اللا متناهي

ابقاك الله لي

اخاً كبيرا
وشاعرا قديرا

ابو ياسر الكعبي
21-06-2010, 08:50 AM
أحسنت اخي العزيز
قصيدة رائعه
مأجور ان شاء الله

محب الحسين

مديري الفاضل

كل الشكرلمرورك

ايها الكريم