رحيم الحسناوي
26-06-2010, 11:22 PM
ذابت اوراك الحزن بارض الطفوف ... وتستعر وي ملكه طوفان الدمه
نزعت الااهات وتلكت ونين ... وعالهضم والااه روحي معلمه
انه دمع عيوني سد فيض البحور ... وصرخة البيه تهد حيل السمه
دخيل عندك يالحزن ماليه حيل ... لا تدوس جروح قلبي وتالمه
شناوي تهدم بعد من عندي شتريد ... انه كل اركان روحي مهدمه
انته وي كل فزعه ناصبلك عزاء ... وتنتشي بطاري الضلم والمضلمه
ارد انشدك واترك اسراب الدموع ... والجواب انخاك بايدك ترسمه
ولا تكلي الوصف ما يسهل عليك ... انه اريدك تدمي قلبي وتهجمه
شلون حالك جان من طاح الحسين ... وكلي ياهو اكثر جروحه الالمه
وصدك ملتمه الوحوش على الامام ... وفوك سيل دماه سل حيله الضمه
وكلي من دارت على حسين الالوف ... هم شفتهه تلوج بالهم فاطمه
هم شفتهه تنوح يم مهر الغريب ... وتنخه عباس البطل وتحشمه
وصدك تهجم كوم اميه على الحسين ... وتعلتلي الخيل على سدره تهشمه
شلون كلي انسلب تاج المؤمنين ... وصدك بترو خنصر ايده بخاتمه
وهم شفت زينب تنادي بلا معين ... وهم شفت سكنه على عمهه محزمه
هم شفتهه تصيح زينب يا حسين ... ووين ابو الحملات حماي الحمه
زين كلي بيا كتر طاح العضيد ... وياهو بتتر جف سليل الموزمه
شلون حزو راس عبد الله الرضيع ... ماكفاهم حرملاهم من رمه
زين هم شفت الهواشم بالطفوف ... وصدك هامات الليوث مجسمه
وصدك سكنه تهيم حسرتهه وتنوح ... والعقيله الهم على الهم تكتمه
ومنهو صار حماتهه خلاف الجفيل ... وعدمن الحره الوديعه مامنه
صدك نادت خويه الك مني السلام ... وسبية الخددر يخويه محتمه
كربلا وجم ااه منج يالطفوف ... عالصدور رماح منج جاثمه
ويا ابو الاحرار لا يوم كيومك ...اضحت الدنيه بمصابك مضلمه
للمات تفيض دم بينه المدامع ... ولمصابك فتتح عيونه العمه
رحيم الحسناوي
نزعت الااهات وتلكت ونين ... وعالهضم والااه روحي معلمه
انه دمع عيوني سد فيض البحور ... وصرخة البيه تهد حيل السمه
دخيل عندك يالحزن ماليه حيل ... لا تدوس جروح قلبي وتالمه
شناوي تهدم بعد من عندي شتريد ... انه كل اركان روحي مهدمه
انته وي كل فزعه ناصبلك عزاء ... وتنتشي بطاري الضلم والمضلمه
ارد انشدك واترك اسراب الدموع ... والجواب انخاك بايدك ترسمه
ولا تكلي الوصف ما يسهل عليك ... انه اريدك تدمي قلبي وتهجمه
شلون حالك جان من طاح الحسين ... وكلي ياهو اكثر جروحه الالمه
وصدك ملتمه الوحوش على الامام ... وفوك سيل دماه سل حيله الضمه
وكلي من دارت على حسين الالوف ... هم شفتهه تلوج بالهم فاطمه
هم شفتهه تنوح يم مهر الغريب ... وتنخه عباس البطل وتحشمه
وصدك تهجم كوم اميه على الحسين ... وتعلتلي الخيل على سدره تهشمه
شلون كلي انسلب تاج المؤمنين ... وصدك بترو خنصر ايده بخاتمه
وهم شفت زينب تنادي بلا معين ... وهم شفت سكنه على عمهه محزمه
هم شفتهه تصيح زينب يا حسين ... ووين ابو الحملات حماي الحمه
زين كلي بيا كتر طاح العضيد ... وياهو بتتر جف سليل الموزمه
شلون حزو راس عبد الله الرضيع ... ماكفاهم حرملاهم من رمه
زين هم شفت الهواشم بالطفوف ... وصدك هامات الليوث مجسمه
وصدك سكنه تهيم حسرتهه وتنوح ... والعقيله الهم على الهم تكتمه
ومنهو صار حماتهه خلاف الجفيل ... وعدمن الحره الوديعه مامنه
صدك نادت خويه الك مني السلام ... وسبية الخددر يخويه محتمه
كربلا وجم ااه منج يالطفوف ... عالصدور رماح منج جاثمه
ويا ابو الاحرار لا يوم كيومك ...اضحت الدنيه بمصابك مضلمه
للمات تفيض دم بينه المدامع ... ولمصابك فتتح عيونه العمه
رحيم الحسناوي