المساعد الشخصي الرقمي

مشاهدة النسخة كاملة : سمعنه سافر الكرار -الامام علي صلوات الله عليه


سامي الكعبي
25-07-2010, 01:31 PM
بعد ماتوصل الاخبار -*- سمعنه سافر الكرار
كصدنه اليوم والينه -*- وحيدر طول علينه
سمعنه سافر الكرار
-*-
سفرتك طالت وتدري الكلب مجمور -*-وايتام عله بابك تنتظر وتزور
شما اوصف سفرتك والزمان ايدور -*- مثل مادار دهرك يالطبع ناعور
ماندري الجره والصار -*- بغيابك والزمن غدار
بجفوفك من تربينه -*- وحيدر طول علينه
سمعنه سافر الكرار
-*-


عكب عينك لفتنه الدنيا لطامه -*- وعكب ضلع الزجيه وحيرة ايتامه
علي الطاح بمصابه وطبرته الهامه -*-المجد زاحف تعنه ويطلب حسامه
بتراتيل الفجر تذكار -*- يارواي اليتامه وجار
كبل موتك تمنينه -*- وحيدر طول علينه
سمعنه سافر الكرار
-*-
كصدنه ايتام ننشد والجرح مالوم -*- انفجعنه بالخبر نوكع نرد انكوم
من طبر الصميده والاثر معلوم -*- بتدبير المرادي بسيفه هالمسموم
من سيف الغدر لودار -*- ابن ملجم تلاشه اوذار
خليه الدار ردينه -*- وحيدر طول علينه
سمعنه سافر الكرار
-*-
تعنه الموت يكصد يم علينا الغاب -*- هضيمه وموحشه ديارك ياداحي الباب
لفت زينب تشابح تشرح الاسباب -*- مهضومه بفجيعة طبرة المحراب
ياجرح الترك اثار -*- من دار وصفينه بدار
يابويه عتاب واسينه -*- وحيدر طول علينه
سمعنه سافر الكرار
-*-
عتابي وياك محراب المنيه انخاك -*- انه زينب لفيتك يالجنت بحماك
تركت ايتام تنحب والكلب ناداك -*- يافقار الرسول اكصد يتامه هناك
اكصد والدمع مدرار -*- ومتوهجه بدليلي النار
عله دروبك تعنينه -*- وحيدر طول علينه
سمعنه سافر الكرار
-*-
علي الفاز بطبرته الكعبه تبراله -*- مثل روج النهر لجروفه مياله
يظل طبع النهر لوشحت دلاله -*- علي الساجب دليله وحسرة اعياله
من دمك جرت انهار -*- لو دم اليتامه اندار
جفيل وطول سنينه -*- وحيدر طول علينه
سمعنه سافر الكرار
-*-
وصيته للحسن بويه تدفنوني -*- بخفيه وليل ظلمه من تودوني
مثل تشييع زهره الليله شيعوني -*- ومثل دفن الزجيه بهيده خلوني
وبدفن الزجيه اسرار -*- وبنعشج نبت بسمار
رجعنه اكبور خلينه -*- وحيدر طول علينه
سمعنه سافر الكرار
-------*********-----------**********----
خادمكم الكعبي


__________________

محـب الحسين
25-07-2010, 02:38 PM
عطّر الله أنفاسكم
وجزاكم أفضل الجزاء

ينقل لقسم الشعر الشعبي والحسيني

اريج الجنه
25-07-2010, 02:42 PM
سلمت يدآك اخي العزيز
و جزآك خيرا على القصيده

ابو محسد
25-07-2010, 06:33 PM
بسم الله الرحمن الرحيم
بوركت اخي العزيز سامي الكعبي وجزاك الله خير الجزاء
قصيدة رائعة ومؤثره
اخوك ابو محسد