المساعد الشخصي الرقمي

مشاهدة النسخة كاملة : الــى عُـــشـــــــآ’ق الأبـــــً‘ـــوٍذيــ..ــة


نجمة البصره
29-07-2010, 09:53 PM
ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
*****************************
الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه
****************************
الفرح من يوم غبتو فاركاني
وكبل بول شبابي فاركاني
لجن هسه عليكم فاركاني
اديه ثنينهن والعب بيه
******************************
نسيت انه المصايب مانسني
وليالي الفرح ابدا ما نسني
تكلي سني انته؟ مانسني
عراقي وافتخر باجمل هويه
*****************************
عراقيين احنه وطر فجرنا
شجم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيه
*****************************
ماردت الحزن بس غصب جالي
ومن فركاك صدك عندي جالي
اضل اسقل بدربك واضل جالي
لجيتك من ترد يسمر عليه
****************************
الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليه
******************************
تعال ودوزن بكيفك وتاري
وصرت لعبة طفل بيدك وتاري
تور البسمه حطت وتاري
خبط ويه الشعل وبعَد عليه
*****************************
يحلوه حساب احسبيلي وعدي
اذا خالفت يوم وياج وعدي
من حبج عليل اصبحت وعدي
تخاف الناس محد يمر بيه
******************************
تره انه المصايب دوخني
ولجروحك يخويه دوخني
احترك كلبي بجفاكم دوخني
ولا يطفه وتضل ناره سريه
**********************************

اتمنى ان تعجبُكم

اريج الجنه
30-07-2010, 10:45 AM
مشكوره خيتو على الطرح
موفقه

نجمة البصره
30-07-2010, 03:42 PM
اسعدني مرورك العطر