المساعد الشخصي الرقمي

مشاهدة النسخة كاملة : رمضان والعيد ..ونحن


أكرم النجفي
14-09-2010, 08:12 PM
رمضان00والعيد 00ونحن0

ليل رمضان اخذ نجماته اورحل === وانطفه برف السهر مصباحه

ونتظرنه العيد بس هلاله هل === مثل إظفر فوك خد تفاحه

000000000000000

هلال ويوصفه الصام اوما فطر=== وسام هذا إمعلك بصدر السمه

اووصفه الضاع بمتاهات الضجر=== ضلع من ميت بصحراء إنرمه

اوشافه ذاك المبتلي بقصر النظر=== خيط ماي بأرض كاتلها الضمه

اووصفوا رمضان فيا النه انجعل=== اوهذا نابه للسماء اجتاحه

وآنه شفته سيف بالنور إنصقل === لو ملك والطلع طرف جناحه

000000000000

سيف هذا او عاد من غزوة شرف == على بساط السمه اتمدد يستريح

لو السان اوطلع من حلك الاسف == من لكه بكل عين للدمعه ضريح

وبكثر ماإحنه أسرفنه ضعف === شاف منميز الساعي من الكسيح

شاف مركب من ورق عدنه انذهل== ابحرهايج والهوى ملاحه

شاف ارضنه بيها مزروع الامل== او هالزرع يسحك عليه فلاحه

0000000000

ما فتحنه نافذه للياسمين === افتحنه شاف عيونه السود الرياح

شاف منصوب بدرب حبنه كمين = وحنه شو بصدورنه انجرب السلاح

شاف كنز شفافنه دره ثمين== وحنه زوجنه مسيلم من سجاح

شاف عصفو ر ابيض جناحه هدل == اودود ابو جناح اختله بالساحه

نهر عدنه ازرعنه بضفافه الاسل== او خذنه بس دموع من تمساحه

0000000000

شاف عدنه اوجاع ماتثمر غضب = رعش رعشة سنبل بوكت الحصاد

اولنه وجهه بالزعفران انخضب == اوسلم الليل الشفايف شهرزاد

اخذته غيمة الدهشه وانحجب = جن حمامه اوغطت بحوض الرماد

كبل منراويه مرايتنه أفل == اوقيصر الليل إعتنه بأشباحه

جاب لينه العيد مثل اللي حمل == بظهر عكرب وردة القداحه

000000000000

راح يتعثر بثوبه ليل امس == مالكه بكلوبنه القيصر سكن

اومن حمل جف الارض النه الشمس= بس وطاويط الزمن منها إشتكن

جالأمير العيد إجه بحلة عرس == (واثق الخطوة يمشي ملكا)

جعلته العشاك موسم للغزل == اوساحة الحب هيه اطهر ساحه

بيها تتطاير فراشات القبل == لءن كل خد للقرنفل واحه

000000000000000


للشاعر صباح امين

أكرم النجفي
14-09-2010, 08:16 PM
ياعيد00ياعيد00ياعيد

*****************

ياعيد أرد أحط للساني جنحان

وين ألكه سمه بكد إقتداره

اومشكلة البعض يردوني انسان

بس انسان وبهيئة حجاره

**************

ياعيد اللسن من تصبح سياط

تسلخ جلد اوراقي اوفكرتي

يردون اجرع السم مثل سقراط

وكبال الجمال انزع رغبتي

وآنه مبايع الحب من الكماط

وجعلك تشتهي الحب بقبلتي

ليش اسكت مثل سكتت الحيطان

اوألله ثمر خالق للأثاره

بالجنه إعله غصن الحسن رمان

اوبالدنيه على صدور العذاره

**********

ياعيد الله خالقني ابتسامه

اتمدد على شفاف الموده

لتحاسبني بحساب القيامه

او كلبي بحاجة الحب طفل بعده

من اتعثر اعثرلي بحمامه

اومن اسقط اطيح بحضن ورده

اومثل ميسير اعله الورد نيسان

تلكاني على كل خد نظاره

بس البعض وجهه جلد قرآن

اوتحت الجلد تقصير اومراره

**********

ياعيد إنولدنه إنحب منكره

ربانه علي اوغذانه الحسين

على أبناء الوسخ هيهات نشره

لئن احنه نهر نكره الوسخين

علينه شما تضيك الدنيه أفره

من جنة وطن بيد الشياطين

امسخ لونه مسجد بس بلا آذان

نشبه مسج بعكد النصاره

واليوم احنه بمناير الاوطان

أذان اودعه اوقرآن اوزياره

*********

ياعيد انته بلغ عن حزبنه

حزب الحيدرين التعيده

لتعب المشط لحية عربنه

اولا تقرع بعد اجراس عوده

هيه الفرهد ت ثروة شعبنه

العروبه او فلسطين او امه وحده

يثوار الفنادق شعبي تعبان

والعهر السياسي بيه قذاره

لابأسم الوطن يبناء قحطان

تتعاطون فوك ارضه الدعاره

***********************
للشاعر صباح امين النجفي

ابن الشاعر
14-09-2010, 09:10 PM
بارك الله فيك ايها الاخ العزيز اكرم النجفي
موفق بهذا النقل الجميل احسنت
اخوك ابن الشاعر

أكرم النجفي
17-11-2010, 11:48 AM
شكرا لمرورك أخي الفاضل ابن الشاعر ,,,