ابو ياسر الكعبي
19-10-2010, 12:25 AM
أحسّك شمس كبره بعالـم اللاهوت
واشوف احروف اسمک حضره قدسيه
دخلت الها وبعدني واگف إعله الباب
اشما هميت روحي تمـوت رجـليه
بعـدني إبّـابك واتصـورك مـولاي
أحس كـل الجـوارح تـرتعـد بيّه
أسد عيني أشوفك هاله تسطع نور
وأنه امغمض اشوف احروف نوريه
حرف بيه العدل ساجد عله التوحيد
وحرف مـربوب لحـروف الـربوبيه
وحرف بيه القيامه قامت اعله الناس
بيـه روح العدل راضـيه ومـرضيه
وحرف ممدود ما بين السمه والكاع
يسبِّح والكـواكـب سـاجـده ابفيّه
يـالقـدِّسـت وحـدانيـة المعبـود
وإلـه قَـريت وحـده بـالإلـوهيه
تسجد والكواكب ساجدات اوياك
تِسـبِّـح والنجوم ابنجمك إثْـريـه
امن إتْكلِّم الباري تفيض أسـرار
وفلا مثلك مُنـاجي ايناجـي بـاريّـه
البلاغه انته وكلامك فوگ كل مخلوق
ودون الخـالــق الجـلّت أســاميّـه
يـالنغمـة دعـائك مُخلِـصه اويه الله
وعلـه روس اليتـامـه اتفيض حنيّه
مثلك مـا تنصّب عالبشـر سلطـان
ومثلك عبد مـا قـر بـالعبــوديـه
ربك يالرضـا فـوگ البشـر علّاك
رتب شـرّفك بـالمـرتبه العِلـيّه
لأنك باب رحمه وكهف للمحتاج
وحاجـات اليطلبك كلهـا مگضيه
صح سواك ربك بشـر فوگ الگـاع
يابـن الكاظـم وصـورتـك إنسـيه
بس باطنك نـور ايتيه بيـه الـنـور
وكـل تـركيبتك چـانت سمــاويه
وروحك مـن شَـآبيب الأزل مولاي
إكتست بالنـور من مصـدر الماهيه
ابو ياسر الكعبي
واشوف احروف اسمک حضره قدسيه
دخلت الها وبعدني واگف إعله الباب
اشما هميت روحي تمـوت رجـليه
بعـدني إبّـابك واتصـورك مـولاي
أحس كـل الجـوارح تـرتعـد بيّه
أسد عيني أشوفك هاله تسطع نور
وأنه امغمض اشوف احروف نوريه
حرف بيه العدل ساجد عله التوحيد
وحرف مـربوب لحـروف الـربوبيه
وحرف بيه القيامه قامت اعله الناس
بيـه روح العدل راضـيه ومـرضيه
وحرف ممدود ما بين السمه والكاع
يسبِّح والكـواكـب سـاجـده ابفيّه
يـالقـدِّسـت وحـدانيـة المعبـود
وإلـه قَـريت وحـده بـالإلـوهيه
تسجد والكواكب ساجدات اوياك
تِسـبِّـح والنجوم ابنجمك إثْـريـه
امن إتْكلِّم الباري تفيض أسـرار
وفلا مثلك مُنـاجي ايناجـي بـاريّـه
البلاغه انته وكلامك فوگ كل مخلوق
ودون الخـالــق الجـلّت أســاميّـه
يـالنغمـة دعـائك مُخلِـصه اويه الله
وعلـه روس اليتـامـه اتفيض حنيّه
مثلك مـا تنصّب عالبشـر سلطـان
ومثلك عبد مـا قـر بـالعبــوديـه
ربك يالرضـا فـوگ البشـر علّاك
رتب شـرّفك بـالمـرتبه العِلـيّه
لأنك باب رحمه وكهف للمحتاج
وحاجـات اليطلبك كلهـا مگضيه
صح سواك ربك بشـر فوگ الگـاع
يابـن الكاظـم وصـورتـك إنسـيه
بس باطنك نـور ايتيه بيـه الـنـور
وكـل تـركيبتك چـانت سمــاويه
وروحك مـن شَـآبيب الأزل مولاي
إكتست بالنـور من مصـدر الماهيه
ابو ياسر الكعبي