ياقدس القدس ياهيبة الجبار -----------------ولادة الرسول ص

[عاشق الامام الحسين]

بسمه تعالى

سلام عليكم

اللهم صلي وبارك على محمد وال محمد وارحمنا بمحمد وال محمد وارزقنا خيرك بمحمد وال محمد


واعفو عنا بمحمد وال محمد واجعل لنا من امرنا فرجا ومخرجا بمحمد وال محمد يالله


--

-

--

يانعمة وجودك سيد الكونين




ياسر الاسرار الماحصاهن حد




ياقدس القدس ياهيبة الجبار




ياقبضة القابض يامنيع السيد




يا ألفه ومحبه ورحمة السوواك




يا أسم الودود البيك يتجسد




يالوحة الباري البيها خط الكون




وسبعه أمن السماوات العلى عدد




وسبعه امن الجنان وعرش والكرسي




وقلم واللوح بيه كلشي انكتب وانحد




وشما خلق ألله أمن الاملاك وزاد




كلها ابنص حلقتك تسجد وتعبد




ماگولن تهدم طاگ كسرى وطاح




وماگول المجوس ونارها التخمد




وماگولن جهنم بابها ايسدوه




وماگول الجنان وطيرها الغرد




وماگول الگمر شد حيله بحزامين




وسواها نهار وخاف ليله ايرد




وماگول الشمس تتمرد ومتغيب




لجل امحبتك تريد الضوه سرمد




وماگول النجوم انولدن امن اجديد




وعمرها الفات ذاك العمر ماينعد




اگول اشلون گاع المنك انخلقت




تشيلك ياعجيبه اشلون ماتنهد




اذا واحد عليك ايصلي يامولاي




الف مره يطب الجنه ماينرد




صلوا اعله الحبيب السره مامعروف


بس حيدر والله ومايعرفه احد


---

عاشق المهاجري
http://www.abdullhameed.net/vb/mwaextraedit2/frames/br1.gif

[# خادمة الزهراء #]

السلام عليكم ورحمة الله وبركاته

اللهم صل على محمد وآل محمد وعجل فرجهم والعن عدوهم ياكريم

أخي الكريم عاشق المهاجر أعجبتني هذه الأبيات كثيراً جزاك الله خير الجزاء وجعلنا واياك من السائرين على نهج محمد وآل محمد عليهم السلام ورزقنا في الدنيا زيارتهم وفي الآخرة شفاعتهم

أسألكم الدعاء