المساعد الشخصي الرقمي

مشاهدة النسخة كاملة : ياجنة الباري بأرض سامره ....ميلاد الهادي


ابو ياسر الكعبي
21-11-2010, 06:46 PM
يـاجـنّـة الـبـاري بـأرض سـامـره


نـظـره امن البعُد يـاسيّـدي نـظـره


مَـدّيـنه إلك يالهادي إديـن العـوز


الغـني الله وإحـنه الجـودك الفُـقـره


وگــفـنه أبـاب بابـك ليلـة الميـلاد


وحضـرة نـور نورك شايله الحضـره


شـفنـاها الملائـك نـازلـه أسـراب


عله مهـدك تطـوف إتهمهـم وتقره


تـقـره ازيـارتك وتصلـي عالمختـار


لأن رب العرش صلّه إعلـه ابو الزهره


وإذا ينذكـر إسمك عالقوافي إرداف


يصلي الشعـر كلّـه ويسجد الذكـره


إذن واجب فرض لازم نصلي إعليك


ويصلّـي إعليك كل العالـم إبأسـره


ياشجـرة عقيده أغصـانها التوحيـد


يمتد مـنُـتـهاهـا المُنتهى السِـدره


قُطر بدرك شُعاعه امن السمه للگاع


وأقـمـار وكـواكب لايـذه إبّــدره


وسـرّك سـر مُحمد خـازنه الكـرار


النبي بأسـرار سـرّك منوضـع سـره


ورثت العِـلِم عن عِـلم النبي المختار


عـن الله المُـهيـمن مـالك الـقُـدره


إذن قـدرك مُحـال إيعرفه كل إنسان


بـس البـاري وحـده اليعرف ابقدره


ولهـاذه السبـب شنو حـروب إعليك


گـالـوا خل نـغـدره ويـنـتـهي أمـره


رادوه ابـحـيـاتـك دورك إيـدفنـوه


وإجـوك املثّميـن إبـخسّـة الـغـدره


سمّـوك ورحت مِـحْـتِسب عـنـد الله


حي إنتـه إبجـواره وتـأتُـمـر بأمـره


گبـرک جنـّـة الـرب نـازله إعله الگاع


وتْـلـوذ الدهـور وتسجـد إبكـتـره


بقيت إنتـه جبـل مـرتفع دون أوتـاد


وهمّـه إنـتـهـو ذرّه أنـدفنت إبـذرّه


أجـوا أولادهـم للـثـار عـطشـانين


زمـرة حقـد ما أكـفـرهـا من زمـره


خـافوا من ضـريحك خَـرَّج الثـوّار


وچم ثـوره إطلَعت عالظُـلُم منگـبره


صبّوا كـل حقدهُـم عالـگـبـر مولاي


وأمست گـبَّـتـك يالهـادي منفجـره


عليهم غـضب وجـه الخالق المعبود


وإهتـز العـرش للفـاجعـه بـأسـره


ضنّوهـا الشمس تـنـدثر بالغـربال


ومن يـگــدر النـور البــاري إيدثره ..!!!



ابو ياسـر الكعبي

عشقي محمد واله
22-11-2010, 03:13 AM
بسم الله الرحمن الرحيم
الحمد لله الذي لا يبلغ مدحته القائلون ولا يحصى نعمائه العادون ولا يؤدي حقه المجتهدون
وصلى الله على محمد وأل محمد الطيبين الطاهرين هم أهل الهدى وهم سبل النجاة والتقى
اللهم عجل لوليك الفرج

جزيت الف خير اخي الموالي ( ابوياسر الكعبي )دمت متالق ومبدع
اسال الله عز وجل انه ما يحرمنا جديدك

ورزقك شفاعة محمد وال محمد وزيارتهم

دمت بحفظ البارئ ورعايته وتوفيقه
</b></i>

بنت الهادي
22-11-2010, 03:14 AM
يـاجـنّـة الـبـاري بـأرض سـامـره


نـظـره امن البعُد يـاسيّـدي نـظـره


مَـدّيـنه إلك يالهادي إديـن العـوز


الغـني الله وإحـنه الجـودك الفُـقـره


وگــفـنه أبـاب بابـك ليلـة الميـلاد


وحضـرة نـور نورك شايله الحضـره


شـفنـاها الملائـك نـازلـه أسـراب


عله مهـدك تطـوف إتهمهـم وتقره


تـقـره ازيـارتك وتصلـي عالمختـار



صـــــ ـــح لســ ــــانكـ
أخـــــــ ــــي الـــكـــ ريـــــم
جـــــ ـعــــــ ـــلـه الـــ ــــلـــ ـــه فـــ ـــي ميــــ ــــزان حسنـ ــاتكــ
دمـــ ـت بــــ ـحـ ـــفــ ــظ الــ ـلـ ــه

عاشقة السيدة زينب ع
23-11-2010, 02:20 PM
:55555":
اللهم صل على محمد وآل محمد

http://dc15.arabsh.com/i/02329/hzpo8ikm6oam.gif

http://dc15.arabsh.com/i/02329/8apdhosn6qa2.gif

ابو محسد
24-11-2010, 11:28 AM
بسم الله الرحمن الرحيم
ما اروعها من قصيدة عصماء من الشعر الشعبي
لاخي المبدع دائما ابا ياسر سلم قلمك وطاب مداده
ابو محسد

ابو ياسر الكعبي
26-11-2010, 10:44 PM
الحبيب
ابا محسد
مرورك هو الاروع
وتواجدك انعش حرف قصيدي
لك كل الامتنان