المساعد الشخصي الرقمي

مشاهدة النسخة كاملة : قد اقسم الانصار - الى انصار ابو عبدلله صلوات الله عليه -قصائد محرم


سامي الكعبي
29-11-2010, 11:16 PM
قد اقسم الانصار---بالغاضريه
لن نخذل الكرار ---يابن الزجيه
في يوم عاشوراء-*-في يوم عاشوراء
اجينه انصار للوالي وتعنينه -*- لفينه ودمعة الزهره تحاجينه
نزعنه دروع بالحومه بنياشينه-*-برير وعابس ومسلم عله يمينه
هذا الجره والصار---بالغاضريه
بالحومه شبت نار---يابن الزجيه
في يوم عاشوراء-*-في يوم عاشوراء
-*-
كصدنه انصار للزهره ونواسيها -*- ونجبر ياضلع منها ونداويها
طيبنا الجروح بكربله البيها -*- وضل سوط الغدر يحبس معانيها
وضل شاهد البسمار---بالغاضريه
من فعلة الاشرار--- يابن الزجيه
في يوم عاشوراء-*-في يوم عاشوراء
-*-
انصارك تناشد كربله بلهفه -*- بطفوف المنايه اموسمه الوكفه
بسروج الرزايه الوادم تعرفه-*- مشهوده النوايب للولي الكلفه
ويشاهد الابرار---بالغاضريه
متوذره باشفار---يابن الزجيه
في يوم عاشوراء-*-في يوم عاشوراء
-*-
لفت زينب تناشد يالسبط بحماك-*- انصارك بطوله وبالمجد تلكاك
زرعت ابذور انصارك وحك عيناك-*-جون الي تجنن بالحرب وياك
يصب الدمع مدرار---بالغاضريه
وبشوفة الاطهار---يابن الزجيه
في يوم عاشوراء-*-في يوم عاشوراء
-*-
زرعت انصار بالحومه وحصدناهه-*-زهير ورافع بجودك تمناهه
حبيب ونافع بروحه تلكاهه -*-المنايه للولي الكافل حملناهه
بترابه هالاخيار---بالغاضريه
وتشاهد الابصار---يابن الزجيه
في يوم عاشوراء-*-في يوم عاشوراء
-*-
لفت زينب تخاطب يالنصرتونه -*- نتقدم للحرب احنه العرفتونه
جاوبها حبيب الدمعه بعيونه -*- احنه الي نتقدم يالكفلتونه
يلي حميتوا الدار---بالغاضريه
وضل النصر تذكار---يابن الزجيه
في يوم عاشوراء-*-في يوم عاشوراء
-*-
صحبتك بالحرب مثل الصكر ويحوم-*-عفت شبان بالحومه تريد اتكوم
يابن حيدر لفينا والجرح مالوم -*-انصار المنايه تنصر المظلوم
ياطالبين الثار---بالغاضريه
بسم النبي المختار---يابن الزجيه
في يوم عاشوراء-*-في يوم عاشوراء
-*-
بسيوف الجلاله نندب اركانه -*- ابو جفوف السخيه انواسي قرأنه
مابين الشباب وكاهل اعوانه -*- شما نعطي الضحايه ونعطي دنيانه
هذا الدهر غدار---بالغاضريه
اظهر ياحامي ياجار---يابن الزجيه
في يوم عاشوراء-*-في يوم عاشوراء
-*-
عله انصار الزجيه الحاربت كبله -*- لوتدري المنايه تصير الك قبله
مثل ماصار بالطف شفت مثله-*- ماتهمنه الجيوش شما الشمر خله
قد شائت الاقدار---بالغاضريه
وبرايه الاحرار---يابن الزجيه
في يوم عاشوراء-*-في يوم عاشوراء
----***----***----***----***---***----***----***----***----***---
خادمكم
الكعبي

ناصرة ام البنين
29-11-2010, 11:37 PM
بوركت يمينك بارك الله فيك
وأنار طريقك بنور أهل البيت
الطاهرين عليهم أفضل الصلاة والسلام
أحسنت جزاك الله خير الجزاء
عاشت يدكَ أخي الموالي
دمت بحفظ الباري ورعايته
تحياتي

ابو محسد
02-12-2010, 09:34 PM
بسم الله الرحمن الرحيم
بوركت اخي العزيز الشاعر المبدع الحاج سامي الكعبي
واحسنت واجدت .. جعلها الله في ميزان حسناتكم ان شاء الله
اخوكم ابو محسد