ياأجمل وطن رغم الجراحات

[زاهر]

قصيدة من مغترب الى وطنه
غفت اجروحنه واتخضرمت بينه----عشكتنه المنايا بس عشك مفطوم
عراقيين طينته ياوطن تدرينه----رايتنا علي وحسيننا المظلوم
قسه اويانه الدهر حد كل سجاجينه----كأن ماعنده غير اركابنه هاليوم
قبلنه بالجروح ابلا ضماد اتصيح----صبرنه عالجره والصبر مهضوم
دكافي ياوطن لملم جراحتك----تظل ليامتى جرحك يون ملجوم
ضريبة ادفعنه من اعمارنه غربة----وروحه عله جفه العايشك مهموم
أملنه بالفرح بلجي يرد لينه----جزعنه امن الحزن بعيوننه مرسوم
تحدينا لخطر وماخفنه من الموت----المزروع ابدربنه وانسكه بدموم
رحلت اطيور السلام وريتها اتعود----ومانقبل ابغربان النغيط اتحوم
ياوطن ملتنه غربتنه ابقساوه----وطبع بالمغترب تدريه مالوم
ياوطن عاين عله عيون اليتيم----تلكاه من خيرك يبو الخيرات محروم
اذا تقبل ابأهلك غربو عنك----مااظن بعد تقبل باللي بيك ايسوم
عراقك ياعلي اويحسين ظلموه---- يعاني اوأمنيتهم يظل مهدوم
ياأجمل وطن رغم الجراحات----يالمامثل شعبك بالصبر موسوم
طالت ياوطن واتوسدت بالآه----شيخلص العمر عن الفرح صوم
رضينه ابواقع الحال اوقبلنه----اوماندري ابمصير اعراقنا شمضموم
وأرواح الشعب ضحت اويامه انطت----جرحنه مابره كل ساعة ملجوم
حتى الدمع مشدوه لوطاح----واعيون الغرَّبت عنك جفاهه النوم
تربة كربلا ويانه للموت----يعني الوطن هية انفهم الموهوم
لآن قدوتنه ابو اليمه انباح دمنه----ومأسي كربلا تنعاد كل يوم
مبدأنا علي اونخوة ابوفاضل----ومايهمنه كل نذل بطران وايلوم
خطوتنه كتبناهه ابدرب الآحرار----ملتزمين بيهه نظل للدوم
أحنه اشبال حيدر للعدو انكله----حتى يظل عنده ثابت اومفهوم
توسمنه ابوسام العزه مفتخرين----اورفعنه كربلا فوك اويه لنجوم
حيرنه المنايا انموت منتصرين----مثل احسيننه امننتصر مظلوم
مثل احسيننه امننتصر مظلوم

نسألكم الدعاء
خادم أهل البيت(ع) زاهر المعموري
استراليا 2011م

[ابن الشاعر]

السلام عليكم
الاخ الشاعر
الحاج زاهر
اهلا بك في
احباب الحسين
جزاك الله خيرا
لك مودتي وتقديري
اخوك ابو مهدي

[محـب الحسين]

أحسنت أخي العزيز
نسأل الله تعالى بأن يعيد كل مغترب الى وطنه
وفقك الباري سبحانه
وجزاك أوفر الجزاء

[لبيك داعي الله]

جزاك الله خيرا وحفظك اينما تكون

[بدايات فرح]

يعطيك ااااااااالف عاااااااااااااااافيه
يسلمو

[زاهر]

تحيتي لك أخي العزيز أبو مهدي
وأشكر مرورك القصيدة
وفقك الله لكل خير,,
أخوك زاهر

[زاهر]

جزيل الشكر والآمتنان لك أخي الكريم محب الحسين
مرورك نور القصيدة داعياً لك الله بتمام العافية,,
أخوك زاهر

[زاهر]

جزيل الشكر لغتي الصمت وتحيتي لكم
بأطلالتكم عطرتم صفحتي,,
موفقين لكل خير
أخوكم زاهر

[زاهر]

بأذن الله دائماً بدايات الفرح بلا نهاية
جزيل الشكر نورتم القصيدة
أدعو لكم بالخير والعافية
أخوكم زاهر

[ابو ياسر الكعبي]

السلام عليكم
الاخ الشاعر
الحاج زاهر
رائع جدا
خيال خصب
نص متماسك
تقبل اعجابي بحرف قصيدك

اخوك المغترب
ابو ياسر الكعبي

[زاهر]

تحيتي لك أخي الكريم وشاعرنا الفاضل أبو ياسر
شكراً لهذا التقييم ودمت لنا ذخراً موفقين لكل خير
أخوك زاهر