المساعد الشخصي الرقمي

مشاهدة النسخة كاملة : انتظرنه اونبقى منتظريك يامهدي


زاهر
17-03-2011, 11:14 AM
أللهُم عجل لوليك الحجة أبن الحسن
العجل العجل يا صاحب الزمان
قصيدتي للآمام محيي الشريعة(عج)

انتظرنه اونبقى منتظريك يامهدي
صبرنه اومايأسنه سيدي اوتدري

بعد الباري عدنه""منو غيرك املنه
--------------------
يااله الكون عجل للولي محيي الشريعه
مالنه غيرك يربي خالق اوعبده يطيعه
زادو الظلام بينا كل ذنبنه لآن شيعه
اومعتقدنه بأل طه انبيع دمنه اومانبيعه
....
نقدس عترة المختار هادينه
نحبهم حب مدافع لاذ عن دينه

هموم أشكد حملنه""منو غيرك أملنه
------------
نقسم ابعترة نبينا وابكتاب الله المجيد
ارواحنه فدوه للقائم اوغير حبه مانريد
نندب اوننتخي بأسمه ننتظر يوم الوعيد
نسأل الباري ظهوره نندعي اونرفع الآيد
....
يربي الفرج منك تنصر المظلوم
ضاكت وسعته لليندبك مهظوم
\-\
لآجل وعدك نطرنه""منو غيرك أملنه
-----------
انته موجود اوتشاهد كل عزه لحسين منصوب
ابد ماننساه والله عهد من عدنه يمهيوب
شلون نخذل العقيلة كل موالي ابدمه مكتوب
الثار منتظرك يمهدي بدم ابو السجاد مخضوب
....
نواسي فاطمة الزهراء المظلومة
نعاين زينب ابكربلا مهظومة
\-\
كتبناهه ابدمعنه""منو غيرك أملنه
------------
نفس أحقاد أل أمية ردت ابقانون سنوه
واللي يتشهد ابربنه وابرسوله ابكفر يبلوه
واللي يتبع أل طه رافضي اودمه يبيحوه
لو كصد زار الآئمه بأي وسيلة يمنعوه
....
نحبكم واحنه شيعتكم يمولانه
نضحي ابروحنه اومتهمنه دنيانه
\-\
يالبيك اعتقدنه""منو غيرك أملنه
-----------
جاهل الينكر طلعتك ياحفيد النبي المختار
اومايحصلهه الشفاعة المايعرف الآئمه الآبرار
وابكتاب الله المنزل واضحة أيات الآطهار
شلون يعبر السراط المايوالي علي الكرار
....
نبينا الهادي كدام العلن وصاه
ألهي والي كلمن العلي والاه
\-\
نقدملك عمرنه""منو غيرك أملنه

نسألكم الدعاء
خام الآمام الحجة(عج)
زاهر المعموري
استراليا 2011م

ابو محسد
18-03-2011, 01:00 AM
بسم الله الر حمن الرحيم
بارك الله بك عزيزنا وشاعرنا الموالي
اخي زاهر لك اطيب سلامي ودعائي
ابو محسد

محـب الحسين
18-03-2011, 01:31 AM
بوركت اخي العزيز
جزاك الله خير الجزاء

زاهر
21-03-2011, 12:43 PM
أخي الكبير وشاعرنا الفاضل ابو محسد
لك مني أجمل تحية وأطيب سلام
شكراً لآطلالتك البراقة..
أخوك زاهر

زاهر
21-03-2011, 12:46 PM
جزيل الشكر أخي العزيز محب الحسين
لك كامل تقديري وأحترامي شاكراً لك
مرورك العطر على القصيدة
دمت ذخراً لنا..
أخوكة زاهر