تمشي وتسير الكوم

[ابو اياد العتابي]

تمشي وتسير الگــــوم == بيهــه المنايــه اتحـوم


بحسرة ألم وبآه ==رد الصدى ويـاه


بيهه المنايه اتحــــــوم


**********


طلـع ظعـن الولي للطـف== طلع جـَد المشي والسير


مـن طيبـه گصــد كوفـان== ويدري بكربلـه شيصير


حجج يلقيهه عالـــــوادم حتــى بالأمــــر لتحيــر


لفت ظعنه چثـــيره آلاف== وماعدهـم أظـن تقديـــر


ماتدري ويــن اتــــروح ==ولاتــــدري بالمذبـــوح


تريــد الطمــع تلگــــــاه ==رد الصــــدى ويـــــــاه


بيهـــه المنايـــه اتحـوم


***********


سارت بالفلـــه تمشــــي ==تمشي تطوي بالوديان


كل خطوه خطاهه حسين==مرسومه ابأمرديـــــان


منهج من گبل مرســـوم== ومرسومه اله الاوطان


ياهو اللي عــرف امــره== مثلــه ولاتبـع انســــان


عـاف الوطـن والــــــدار== يحمـل چثـير اســـــرار


هــو البحـــــر مرســـاه ==رد الصــــدى ويــــــاه


بيهـــــه المنايـه اتحـوم


***********


سِمَعْ شبلـه علي الاكـبر ==ابــــوه حســين ينعاهــه


تســير الگوم للحومـــه== ويــســير المـوت وياهه


يگلـه ياشــــبل حيــــدر== من نمشي اعله ممشاهه


إذا أحنه يمـين الحـــگ ==خلـي المــــوت يلفاهـــه


يبنـي اعتقــد هاليـــــوم== ســيف الشهاده ايگــوم


وجنـة عـدن مثــــواه==رد الصـــــدى ويـــــــاه


بيهه المنايــه اتحــــوم



**************

يبويـه مانهــــم للمـــوت== إحنــه للمنايــــه انفــوت

ندري الحگ عِله بيمنـاك== بغــيرك ماأظــن منعـوت


أحلـه من الشهـد عدنــه ==وانصيح ابعظيم الصوت


ابــد يابويــه منبالــــــي ==ونمشي ولانهاب الموت


بيدك يبويه سيــــــــوف ==يوم الحـرب وتشــــوف


باشــــواگ نتعنـــــــــاه ==رد الصــــــدى ويــــــاه


بيهه المنايـه اتحــــــوم


************


من شافـوا طريق حسين== طريـق أمعبد ابـــــــآلام


چثيــره اتفرقت عنـــــــه== وعاشـوا فكـرة الاوهام


ظنـوا مايجيهــــم يــــوم ==وشافوا بالافق الاصنام


صنمهـم دنيه مگظيـــــه== وعِـــزّه بلا فخرتنـــلام


گلوب امتلت بالخــــوف ==يمنهـه الاماني اتحوف


اشلـــون الامـــر تنسـاه ==رد الصـــــدى ويـــــاه


بيهه المنايــه اتحــــــوم


************


ظلـت صفوة الاصحــاب== وحفـرت بالفكـراسمــه


باعــوا كل عمـرلجلـــــه== ورسموا لوحه من دمه


وصية كل بشــر بالمـال== أو صيتهـــم ببـو اليمـه


شالـوا عالصدر عنـوان ==ولواهـــم للگلـب ظمــه


شالــوا شعـاراسنـــــين ==كلهــــم فــــده لحسـين


يــوم الحــرب تهـــــواه== رد الصــــدى ويــــــاه


بيهه المنايــه اتحــــــوم

[محسن العراقي]

السلام على الحسين
بارك الله فيك أَخي الموالي

[عشقي محمد واله]

بسم الله الرحمن الرحيم
اللهم صلّ على محمّد وآل محمّد وعجّل الفرج لوليّك القائم
الحمد لله الذي أمرنا لنكون مع الصادقين ،
والصلاة والسلام على أشرف خلق الله محمّد الصادق الأمين ،
وعلى آله الأئمة الصادقين الهداة المهديّين ،
لا سيّما بقيّة الله في الأرضين ،
عجّل الله فرجه الشريف.

السلام عليكم ورحمة الله وبركاته
،
السلام على الحسين
وعلى علي بن الحسين
وعلى اولاد الحسين
وعلى اصحاب الحسين
وعلى اخيك ابا الفضل العباس
واختك الحوراء زينب عليهم السلام

جزاك الله خير
اخي الشاعر الموالي
بو ياد العتابي
فبوركت
وفقك المولى واسعدك
وانار طريقك بنور محمد
واله الطيبين الطاهرين

[زاهر]

بارك الله فيك أخي الكريم قصيدة رائعة
جزاك الله خير الجزاء..
تقبل مروري ,,
أخوك زاهر

[ابو اياد العتابي]

الاخ العزيز
محسن العراقي
شكراً لمروركم الرائع
وبصمتكم الجميله تقبلوا
تحياتي ودعائي

[ابو اياد العتابي]

نبراس المحبه
شكراً لمروركم الرائع
وبصمتكم الجميله تقبلوا
تحياتي ودعائي

[ابو اياد العتابي]

زاهـــــــــر
شكراً لمروركم الرائع
وبصمتكم الجميله تقبلوا
تحياتي ودعائي