ياهلا ومية هلا..

[شاعرة بابل]

ياهلا ومية هلا بجية العزيز
النشر نور النبي بطلعة غرتة
صبح ابيض غردت بيه الطيور
وشمس طلعت تستحي من طلعتة
هوة ماينوصف صورة بلايا لون
وهوة كلمة تحير تعرف غايتة
هوة مو جنة لان حتى الجنان
تذوب شوقا حتى تحضن تربتة
وهوة مو نار التعذب الكافرين
لان نارة بكل كلب من شيعتة
هوة ابن خير النساء الطاهرة
فاطمة الزهرة لمحمد بضعتة
هوة ابن حيدر امام الصابرين
النهجة من نهج الرسول وسنتة
هوة اخو الحر الكريم المجتبى
الي سم الظلم كطع جبدتة
هوة اخو العباس سبع الكنطرة
عيونة مثل الجمر تجدح غيرتة
هوة اخو الحرة الابية الصابرة
زينب الحوراء روحة ومهجتة
يعني هوةحسين حماي الدخيل
وصوت قران اليرتل ايتة
يعني سيف الله البتر راس الجحود
وصار للاسلام خفكة رايتة
من نجيب اسمة نحس عبرة خشوع
اليوم خل نخفيهة ونعم فرحتة
خلي شعبان وي ليلة هلالة يضحك
وخلي يرسم بسمة بيضة بهلتة
وكلنة خلي نكول يامية هلا
بالأجة ونور الكون بجيتة

[محـب الحسين]

سلام الله على إمامنا أبي عبد الله الحسين
سلمتِ وبوركتِ اختي الغاليه
جزاكِ الله أوفر الجزاء
ورزقكِ زيارة الامام الحسين
سلام الله عليه
في الدنيا
وشفاعته في الآخره

[عاشقة السيدة زينب ع]

http://www.alserat.net/forum/mwaextraedit6/extra/09.gif (http://www.alserat.net/forum/mwaextraedit6/extra/09.gif)

اللهم صل على محمد وآل محمد الطيبين الطاااهرين
وعجل فرجهم وألعن أعدااااائهم
السلام عليك يااا عطشاااااان
السلام عليك يااا أخ الحسن والعباااااس والزينب
شكراً لكِ خيه على القصيدة الرااائعة و الجميلة
الله يعطيش ألف عاافية
تسلم أيااااديش على القصيدة

[شاعرة بابل]

بوركت اخي العزيز محب الحسين
وجعلك الله من الموالين لاال البيت الكرام ع
تحياتي لشخصك القدير

[شاعرة بابل]

بوركتي اخيتي العزيزة عاشقة السيدة زينب ع
بارك الله بكِ ووفقك لكل خير

[العرداوي]

شكرا يا شاعرة اهل البيت

البابليه

احسنتي واجدتي

روقك الله زيارة الحسين وجده


ماجوره بحق محمد وال محمد

[عبق الياسمين]

هوة اخو العباس سبع الكنطرة
عيونة مثل الجمر تجدح غيرتة
هوة اخو الحرة الابية الصابرة
زينب الحوراء روحة ومهجتة
يعني هوةحسين حماي الدخيل
وصوت قران اليرتل ايتة
يعني سيف الله البتر راس الجحود
وصار للاسلام خفكة رايتة

*********************

مشكورة علىالكلمات الروعة دمتِ ودامـ قلمكـِ