قصيدة وداع الغربة [الأرشيف] - منتديات احباب الحسين عليه السلام

زاهر

29-07-2011, 10:59 AM

اللهُم صل ِ على سيدنا محمد وعلى أله الطيبين الطاهرين..
-----------------------------------------------------------
سألت الخالق الجبار بارينا"""نرد لآرض الوطن ابجاه هادينا
ميخيب اليسألك***يمن جلت قدرتك

ابمآسي الغربة نتراوه الغريب حسين"""تغرّب ويه أضعونه الآجل هالدين
كضت غربتنه وابدمعتنه مهضومين"""تهيم الروح وي زواره الماشين

تحت قبة الحسين الباري يجمعنه
ألهي غير أهل بيت النبي اشعدنه

نعيش ابظل رحمتك***يمن جلت قدرتك

ابكثر شوق الطفل الآحضان أمه"""ابكثر مهموم اوغريب اويشكي همه
اشتقنه الك ياوطن لترابك نشمه"""آمنية الكل مغترب حضنك يلمه

يودع غربته اوينسى المآسي
حزن وافراح وي اهله يواسي

اناجيك ابعظمتك***يمن جلت قدرتك

ياوطن تدري الفراك اشكد صعب"""تظل دمعتنه عله ابو اليمه تصب
شحال محبوب اوبعيد عله المحب"""شوقه ويه الريح نسماته تهب

يوصل الآرض الاحرار ابكربلا
هناك احباب الحسين تستقبله

امن الغربة رجوتك***يمن جلت قدرتك

ألهي ابحق شهيدك سبط أحمد"""اواله كل دمعة نزلت بأسمه عالخد
يربي انته العظيم الواحد آحد"""تلم شمل الغريب اوفرحته اترد

يطيح ابعتبة المرتضى يحضنهه
تصب دمعة رجوعه اهناك وايهلهه

آلهي ابهذا فضلك***يمن جلت قدرتك

آهل بيت النبي كل شيعي يتبعكم"""لحد آخر نفس لفضتنه هية انتم
من نبع الطفولة اجيالنا اتحبكم"""ندعي ربنا عجل فرج قائمكم

صبرت احبابه اوتناطر طلعته
الصبر مل منهه اوأبد ماملته

آلهي اشعظم أسمك*** يمن جلت قدرتك

رجعت طيور الآمل تحتضن عشهه"""شيعتك يامهدي بس انته أملهه
تنتظر ولهانه والآحقاد ضدهه"""والصبر حيران مرسوم ابدمعهه

وينك سيدي شوطالت الغيبة
أظهر خل تصيب اعدائنه الخيبة

بحق طه اومحبتك***يمن جلت قدرتك

خادم أهل البيت(ع)
الحاج زاهر المعموري
استراليا 7\2011م

العرداوي

09-08-2011, 10:03 PM

احسنت واجدت

اخوي الغالي

سيد زاهر المعموري

رمضان كريم وكل عام وانت بخير

الـدمـع حـبـر العـيـون

11-08-2011, 04:55 AM

ابمآسي الغربة نتراوه الغريب حسين"""تغرّب ويه أضعونه الآجل هالدين
كضت غربتنه وابدمعتنه مهضومين"""تهيم الروح وي زواره الماشين

تحت قبة الحسين الباري يجمعنه
ألهي غير أهل بيت النبي اشعدنه

نعيش ابظل رحمتك***يمن جلت قدرتك

ابكثر شوق الطفل الآحضان أمه"""ابكثر مهموم اوغريب اويشكي همه
اشتقنه الك ياوطن لترابك نشمه"""آمنية الكل مغترب حضنك يلمه

كلمات قمه في الروعه والابداع
سلمت يداك

زاهر

10-09-2011, 04:12 PM

اخي الكريم العرداوي وتحيتي الطيبة لك
شاكراً مرورك الآجمل للقصيدة
وفقك الباري عز وجل
لكل خير

زاهر

10-09-2011, 04:17 PM

الأخت الموالية الدمع حبر العيون
شكراً جزيلاً للمرور الطيب للقصيدة
سائلاً الباري عزوجل ان يوفقك ِ لكل خير

ابو محسد

11-09-2011, 08:05 PM

بسم الله الرحمن الرحيم
اخي الحبيب زاهر المعموري
طيب الله انفاسك .. وعودة ميمونة لاهلك ولوطنك
الف تحية لك
ابومحسد

زاهر

01-11-2011, 07:40 PM

تحيتي لك اخي الآكبر أبا مُحسّد
واشكر مرورك الطيب ..
أعتذر على التأخير بالرد
نلتقي بأذن الله تعالى بالقريب العاجل
أخوك زاهر