موضوع مني لكم بالهجه الامارتيه

[شيعيه والفخر ليه]

السلام عليكم

كثر الحديث مؤخرا عن الذين يقومون بنصحنا نحن معشر الشباب

في المطاوعة وفي اهل العلم وفي اهل الخبرة وفي الي اكبر مننا

غالبية الشباب ينزعجون يوم ايهم واحد ويعطيهم نصايح ومواعظ

انا عن نفسي اذا يا شخص اسلوبه حلو استمع له اذا اسلوبه وقح ما اعطيه ويه

في عدة تسميات حق النوعية هذي منها فضولي او حشري ( يحشر نفسه ) او مزعج او راز ويهه.....الخ

السؤال هنا هل نحن على حق عندما نقول عنهم ذلك؟؟؟؟؟؟؟؟؟؟؟

في هيئه في السعوديه و الكل يعرفها (( الامر بالمعروف و النهي عن المنكر ))

لكن لها مساوئ لان اسلوبهم تكفيخ و ظرب

و الناس ما ايون بالظرب و لا اكراه في الدين

يعني اذا واحد خطف ع مسيد و شاف سيارة الهيئه بيدخل يصلي بدون وضوء بس عشان لا يتكفخ

و انا شفت بعيني وحده نزلت من باص الحمله و معاها محرم و كان وقت الصلاة
يا واحد من الهيئه و ظربها بالخيزران جدام الريال الي معاها و طبعا هذاك ما سكت
و انا عن نفسي لو كنت امشي مع اختيه او امايه او... الخ و يا واحد من الهيئه و كلمها بس ما بسكت
هب بعد يمد يده عليها اذا في شي روح رمس الريال الي معاها

و هذا الشي اكبر خطأ

ومهما كان واحد ينصح حتى لو يقضي نص عمره ينصح واسلوبه وقح محد بيعطيه ويه اما اذا كان اسلوبه حلو حتى لو في احراج شوي تجد الكل يلبي كلامه

عطونا رايكم بالشي هذا يامعشر الشباب؟؟؟؟؟؟؟؟؟؟؟