المهدي المنتظر

[خادم الباقرع]

بسم الله الرحمن الرحيم
السلام عليكم ورحمة الله وبركاتة
اللهم صل على محمد وآل محمد وعجل فرجهم

المهدي المنتظر
هذة من شعر الشاعر المرحوم ( رحيم المالكي)



ضاكت يبو القاسم ونملت جور
تلاحك عل البقة ودرك الشيعة
من نار وحديد امطوقة بسور
ويومية اليمر بيهم فجيعة
كانه الهسة قائم يوم عاشور
وجميعا كربلاء ارض الله الوسيعة
كتاب الله انبذ ماخلف الاظهور
وتبدل دين جدك والشريعة
ناس اتكول مشيوله ابكرن ثور
وناس اتكول خلقتنة الطبيعة
عور دجال واحد بس اجت عور
ياهو ابعينة نكطعة ايريد اطيعة
ماهزك هدم لاباب لاسور
جا شنهو اليهزك من صنيعة
نريد اليوم سيفك بيهة مشهور
وتسوي ادموع عدوانك نجيعة