تويت
صدك يحسين هليله الاخيره
وصدك باجر انه وضعنك وأسيره
ينور العين * أروحن وين
وصدك باجر انه وضعنك وأسيره
علينه الليل هالجلجل يبو السجاد حاجيني
أشوفك عالضعينه أتحوم وأحس رايد توصيني
وعينك خويه اقراهه مثل ماتقره البعيني
أحجي ولا تضم يحسين صبوره زين تدريني
صدك باجر لوعتنه جبيره
وصدك ويانه حدك للضهيره
أخذني وياك * ابد متعي أرجاك
صدك باجر انه وضعنك وأسيره
يزينب ادري من زغرج ربيتي اعله الصبر والهم
ولوعة امج الزهره صبت من عيونج دم
وبعدهه طبرة الكرار خلت حيلج اتهدم
لجن يازينب الليله خطيره
وبعدهه تصبح ابحيره الاميره
تكله اشلون ينور الكون
صدك باجر انه وضعنك وأسيره
يكلهه لوصبح باجر علينه الخيل تتسابك
ونبل عدواني يازينب علينه ايكوم يتراشك
وسيوف الحاقده يختي بنور العتره تتشابك
وبعدهه ابلاوداع انطش يخويه وكلنه نتفارك
ويضل جسمي عله الغبره رميه
وضعوني اتروح وي راسي سبيه
ولنه اتصيح كبل متطيح
صدك باجر انه وضعنك وأسيره
تكله خويه احجيلي جفيلي ابهالوضع وينه
وادري مايضل ساكت لوهجمت اعادينه
يكله ايروح يازينب يجيب الماي لسكينه
لجن ياخويه مايرجع وتكسر ضهري جفينه
يمنته ويسرته منه اتكطع
والج يرسل عذر وعيونه تدمع
وتصيح ابصوت اريد الموت
صدك باجر انه وضعنك وأسيره
بعده ايوصي بالحره ولن يسمع صده الاطفال
تنوح وتبجي بخيامه وحالتهم تهد اجبال
عليهم اكبل ابلهفه وشبكهم والدمع همال
وبده ايصبرهم ابصبره ويمسح مدمع الي سال
وينادونه يوالينه اشبدينه
الالم والخوف هالسيطر علينه
ونخاف اتروح يروح الروح
صدك باجر انه وضعنك وأسيره
ابو امين الفرطوسي
تعليق