تويت
قادم انه الكربله قادم انه
كل سنه اترك دياري واتجه صوب الحسين
حافي الاقدام امشي واحيي يوم الاربعين
والطم اعله الراس واصرخ يبن خير المرسلين
فدوه الك روحي امامي انذرت ابطول السنين
وهايم انه ابكربله هايم انه
انه اعرف باليضدني زرع بدروبي الخطر
واعرف اباي لحضه ارحل ينكطع مني النحر
واعرف اشلائي اتكطع والي مايبقه اثر
لجن اقسم بالصميده مايرجعني الكئفر
امعاهد انه كربله امعاهد انه
انه معروف ابوفائي وحتى اليضدني شهد
اعتني ابلهفتي وشوكي وماخنت والله العهد
كل شي لجلك رخصيته وماكلت كافي بعد
وهذا موهسه امامي تدري بيه امن المهد
وكل دمانه الكربله كل دمانه
يبو اليمه وحك دمك مااعوفك مستحيل
وانته تدريني تبعتك وابد مارضه ابديل
و لوالف مره اموتن ماارد ليك الجميل
ولوله نهجك ياامامي جاء عشت عمري ذليل
وقاسم انه ابكربله قاسم انه
تدري لوتعبت اجدامي والله اوصلك زحف
ودمعتي تحفر ابخدي مااخليهه تجف
وجفي اطبعه عله صدري والله اخسفنه خسف
ومااهيدن يبو اليمه وجرحي من يومك كلف
وكل وفانه الكربله كل وفانه
ومن اجي يمك امامي ابحضرتك لمن افوت
دمعتي هيه التواسي الساني ينطيهه السكوت
وروحي ساعتهه اتمنه وترتجي يمك تموت
ابغير هذا مااطالب واول وتالي اموت
وحاضر انه ابكربله حاضر انه
كلمات الشاعر الحسيني ابو امين الفرطوسي
كلمات الشاعر الحسيني ابو امين الفرطوسي
تعليق