باب الليل ........ بقلم احمد رفيش

[احمد رفيش]

مدينـــــه العمر وافرشــــنه جرح الروح .... وخيطنه الجرح بس جم جرح مفتـــوكَـ
مشينة بنار جدم المـــــا يمر عالمـــــــاي .... وجوينه الجمر بدموعنه اعلى الشـــــوكَـ
زرعنه عيون سهرانه اعلى باب الليـــل ...وعلى جفوف الزمن حتى الحلم مبيـــــوكَـ
علامك ياعراق الخير اسمك جــــــان .... ومن شيب النخل ماضلت انه اعثــــــوكَـ
من مر الصبر كل السواجـــــي هموم .... لان شفنه الجذب منجل وناب حلــــوكَـ
مالومك ابـــــــــد يـــالتربتك قــــــرءان .... وبس تاج الكرامة اعليك انت يلــــــوكَـ
تبجي دموم عينك والنهر عطشــــــان .... وضاعت عالكراسي الكل ضمير حكوكَـ
يالجودك بحر وايغطي جف العــــــــوز .... يالكلك جديد وماصرت معتـــــــــــوكَـ
بس ندري اليكصدك نيته يزرع خوف .... وعلى جتافك تعلى يريد يصعد فـــوكَـ
صبـرا ياعراق ونصبر احنه ويــــــــــاك .... مثل دمنه بصبرنه الكطع انه عـــــروكَـ
صـدك يا وطن ثوب الفرج موجـــــود .... للموعود صرخ صوت الك مخنـــــــوكَـ
يعجـل الله الظهور بكل فجر تنكـــــال .... وبستان انتظارة اعلى الصبر محـــروكَـ
ننتنطـر عدلنـــــــه اليعدل المكلـــــوب .... بشمع دلال شوكَة على الجرح معلـوكَـ
احمد رفيش

[محب الرسول]

احسنت اخي العزيز

جزاك الله كل خير

[محـب الحسين]

أجدت الاختيار
جزاك الله خير الجزاء

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعدااائهم

مشكور خيو فدااكم نفسي على الشعر الراائع
الله يعطيك ألف عااافية

[احمد رفيش]

جزيل شكري لمروركم القيم تقبلو تحياتي وتقديري

[نبض قلبي حسين]

صـدك يا وطن ثوب الفرج موجـــــود .... للموعود صرخ صوت الك مخنـــــــوكَـ
احسنت واجدت اخي الكريم
جزاك الله كل خير
وفقك الباري

[احمد رفيش]

جل احترامي وفائق مناي وتقديري
لمروركم القيم احبتي
اشرقت كلمتي بطلتكم البهية
تقبلوا تحياتي وشكري الجزيل
الاقل
احمد رفيش