تويت
يوسف والكاظم الاثنين ** عاشو عمر مسجونين
منهو اتعذب ** ياهو الاصعب
يوسف والكاظم الاثنين
**************
الكاظم ويوسف قضيه ** والصبر بيهه العلامه
والترابط بيهه واضح ** للنبوه وللامامــــــــــه
الليله نحجي القصه كلهه ** والفرق بين الظلامه
منهو مرتاح بغربته ** والكظم عدمن وســــــامه
منهو اينفذوله اشمايريد ** وياهو مكيدينه تكييد
منهو اتغرب ** ياهو الاصعب
يوسف والكاظم الاثنين
*********************
يوسف الخلص حياته ** عايش بقــــــــصر السعاده
ومن بعد دمعة فركته ** بيده صارت هالقياده
والامام الــــعاش محنه ** دومه يتمنــــــه الشــهاده
عانه ماعانه بحياته ** والحـــــــــــــــزن من الولاده
منهو اتسلب ** ياهو الاصعب
يوسف والكاظم الاثنين
***********
والسجن من طبله يوسف ** سهله جانت كل محنته
شيطلب اينفذوله امره ** واصبحو كلهم صُــــــحبته
وموسى ابن خير البريه ** وحده خلــــص كل غربته
امكيد بكيد وسلاسل ** والسجن تكتــــــــــــل وحشته
يروي الاول بالامثال ** والثاني امكيد باغلال
نار وتلهب ** ياهو الاصعب
يوسف والكاظم الاثنين
************
هالسجن مختاره يوسف ** جي عرف يضمن نجاته
ومن بعد رؤيه السنابل ** بالحُكم خلـــــــص حياته
والامام ينـــــــــاجي ربه ** ودمعتهه تدعي بصلاته
والسجن محرابه اصبح ** ينتظر ســــــــــاعة وفاته
يوسف تأويله برؤياه ** والكاظم عبره ابلواه
دمعه التنحب ** ياهو الاصعب
يوسف والكاظم الاثنين
**********
يوسف بسجنه ايتمشه ** واليســــأله ايرد جوابه
عن قضيته ايسولف الهم ** والسبب شنهي بغيابه
والسجن طاموره ظلمه ** عالامام ابن النـــــجابه
لا شمس شاف ولا كمره ** وينتظر يومه ومصابه
سجن الاول بيه راحات ** والثاني نوح واهات
يومه اليكرب ** ياهو الاصعب
يوسف والكاظم الاثنين
***************
يوسف اخلوله سبيله ** واستلم امر الوزاره
والامام وكل عذابه ** بسجنه ماشاف الزياره
يعلم ويدري بمصيره ** بالكظم صار انتظاره
ينتظر سم المنيه ** وللغدر تظـــــهر شراره
كل عمره الكاظم مظلوم ** مسجون وتالي مسموم
صبر امجرب ** ياهو الاصعب
يوسف والكاظم الاثنين
*************
تعليق