تويت
دمعه دمعه ((لسان حال العقيله عليها السلام))
دمعه دمعه \\ من دمه ونار
لوعه لوه \\ بيهم أحتار
راحوا وعافوني
بالهظم خلّوني
/////////////
خلوني اعاني الآه والحسره
وبوسط الكَلب ماتنطفي البجمره
أشوفق أجساد كلمن فاركَه عمره
وراس أعله الرمح أيحن علآ نحره
خيمه خيمه \\ صرخة آمال
هيمه هيمه \\ شردت أطفال
موقصد ياذوني
بالهظم خلّوني
/////////////
شجاج وياي يا أيّام كَولي شبيج
ردّيتي عليَّه أحزاني من ماضيج
الضلع والجبه والمحراب ماكافيج
أنتظرتي دمعتي أعله حسين لترضّيج
منّي منّي \\ روحي أخذتي
ونّي ونّي \\ هذا ردتّـــــي
حيريتي بعيوني
بالهظم خلّوني
/////////////
ضمير أرواح لبَّت أوفت الذمَّه
ماخانتوا عهد لا غيّروا كلمــه
شامخ طود سد واحدهم بعزمه
يلاوي الدنيه بيده دون أبو اليمه
صحبه صحبه \\ خير الاصحاب
بكَلبه كَلبه \\ حُب ابو تراب
بالوفه راعوني
بالهظم خلّوني
/////////////
دمعت عيني غير مصابه ماذلهه
وأدري أمروّته الروحي تكَابلهه
تدري الروح غير حسين ماألهه
وخدري يصيح جا وينك يكافلهه
بعنه بعنه \\ لله أرواح
طعنه طعنه \\ بألم وجراح
من الخيم أخذوني
بالهظم خلّوني
/////////////
شالت رايت العباس راس حسين
وللجثـــــه السليبه تحضن الجفّين
صارت للصواني شموع منَّه العين
جوده وساده للآكبر غصب عالبين
مايه مايه \\ يم خيمنه
رايه رايه \\ وجف يلمنه
أخوتي منسوني
تعليق