تويت
يحسين قدمت العمر *** قربان بعت الدنيا
واشريت بالدم شيعتك *** يوم الحشر تجمعنه
عاهدنه وانظل عالعهد *** لأجلك نضحي بدمنه
رادونه ننسه محبتك *** لهذا لأمر ما طعنه
وأرضينه بعدام وسجن *** والقبرك اتعنينه
نتعنه نمشيلك مشي *** لو وصلت ازيارتنه
وأطفال النه حبتك *** وأتعلموا عادتنه
جند أعوانه الطاغيه *** ابنص الدرب منعتنه
أتسلحينه بحب علي *** وأتسلحوا بالفتنه
تشهد مقابر بالدرب *** ارجال ونساء جمعتنه
ياشيعه قالوا هاللطم *** والبكي ألمابيه معنه
بطلوه يشيعه وحاذروا *** نعدم الما يسمعنه
قلنالهم هذا البكي *** مفتاح باب الجنه
واللطم كفارة ذنب *** بالآخره ينفعنه
يالجاحد شما هددت *** وبحكيك أتحذرنه
ميهمنه جورك والظلم *** ولا سجنك ايخوفنه
يحسين ياوالينه *** حبك امان اعلينه
وبحبك اتغذينه *** ولزيارتك أدينه
ونتنطر احنه ابن الحسن ياسيدي يلفينه
منقول
تعليق