قصيدة بمناسبة شهر رمضان الكريم...لصلاح جاهين

[محب الكاظم*]

اعزائى هذة قصيدة لذيذة للراحل صلاح جاهين
ارجو ان تنال رضاكم وتعجبكم
منتظر رايكم
كل عام وانتم بخير

االنور ملو الشوارع
و مليون راديو والع
الساعة اتنين صباحاً
لكين إيه الموانع
الخلق رايحة جايه
و الدنيا لسه حيه
مليانة بالهأو أو
و زعيق القهوجية
واحد يقول لواحد:
خليك ياعم قاعد
التانى يقول: شكراً
ده أنا م المغرب مواعد
فيه سهرة لسه عندى
فى بيت فلان فندى
ح ناكل حاجه حلوه
و نشرب تمر هندى
و اللى تروح دالقة جردل
فوق حضرة المبجل
طبعاً صاحبنا يزعل
و ينفجر شتايم
والحى كله يوصل
مابين مصلح و لايم
اللى يقول: ياجماعة
و اللى يقول: يا بهايم
و مطرب الإذاعة
يصرخ و فى وجده هايم
ولو طرطقت ودنك
فى وسط دى العظايم
تسمع مسحراتى
بطبلة صوتها واطى
بيقول: اصحى يانايم

تحياتى للجميع

[عاشقة النور]

أحسنت وأجدت

جزاك الله خير خير الجزاء

جهود مباركه بارك الله فيك


"عاشقة النور"

[محب الكاظم*]

شكراً مسرور بمرورك الطيب

[** خـادم العبـاس **]

قصيده رائعه وجميله
جزاك الله كل خير
تقبل مروري

[محب الكاظم*]

شكراً نورة الصفحه