تويت
كنت انا طفله صغيره وكانت احلامي كبيره
وكنت في كل يوم اكبر تكبر احلامي معاي
كنت اشوف الدنيا في عيني قريه صغيره...
مابها غير ربعي وغير اهلي والعشيره..
وغير كم بيتن سكن عن يميني وعن يساري
ومن وراي..
ومسجد بوسط حارتنا ومدرسه كانت صغيره
تجمع احلى ايام عمري وضحكاتي وهناي
كان كل خوفي من ابوي ثم امي والمديره
وكنت لامني لقيت لعبتي اكبر مناي
وكنت اخاف من الظلام..؟
وما اقدر بروحي انام..؟
وكان همي وش اصير لاغديت وحده كبيره..؟
وكان حلمي طفولي يشبه الورد وعبيره.
وكان السؤال الي شغلني وانتظر منهم جوابه..
يالله متى بكبر..؟
ويهتني عمري بشبابه..؟
وكنت احسب لاكبرت بصبح بهالدنيا اميره..
وكان همي بس ابي اصبح كبيره..
وكنت اجهل كل شي يجلب لصدري عناي..
ودارت الدنيا بسرعه كبيره..
وبكل يوم صرت اكبر..
وكل شي حولي تغير..
مدرستنا وبيتنا وحتى ربعي والعشيره....
حتى احلامي تمادت واصبحت اكثر واكثر..
.................((وفجاه)).... ............
لقيت نفسي تايهه بدنيا .
كني طفل وتايه بصحرا ولايعرف مصيره.؟
دنيا صغيره بكل شي الا مساحتها..كبيره..
اتعبتني...
وجرحتني..
وزادت لقلبي بلاي..
ودي اعرف وش تغير..؟ ولا وشهو الي ماتغير..؟
اجهل اشياء كثيره واصبحت تسكن مداي..
صارت همومي كبيره والحزن يسكن عيوني..
وغادرت البسمه شفاي..
صرت اخاف من الزمان وش مخبي لي وراه..؟
وصرت اخاف من الملام اوحكي عاذل حكاه..؟
خوفي تغير...
وحلمي تغير..
الا قلبي بس قلبي ماتغير..
باقي ينبض با احاسيس الطفوله..
ويسترجع الماضي القديم ودوم يوله..
يحن لا ايام مضت من اجمل ايامي..
ودي بس ترجع شوي وتتحق احلامي..
تكفى طليتك يازماني..
ما ابي قلبي يعاني..
ما ابي وقتي يكسره..
ما ابي يصبح اناني..
مابي حزني يبعثره..
طلبتك يازماني..تبعد الحقد من قلوب البشر..
وتخفي همومي واحزاني والكدر..
ادري احلم...بس حلمي بعيشه لجل ما تضايق واتالم..
يمكن اقدر اتناسى ضيقتي ومن حزني اتعلم..
...((اعذروني)).....هذا حلمي .
.........................حلم طفله..
.........................حلم غفله..
حلم يجلب لي السعاده بس وهم..
هذا حلمي بس زماني لا راف بي ولا رحم..
آآآه من ظلم الزمان وآآآه من كذب الحلم..
مما راق لي واعجبني
تعليق