تويت
عظم الله اجورنا واجوركم بمصاب مولاتنا الصديقة الطاهره
يالمهدي صيح ابعبره من كسر ضلع الزهره
لا مارحَـمْـها خَصمَك ظَلمها
***
أَروي الفـاجـعه بْدمـعـات سچّـابه
اِظلُمت بنت الرسول التدّعي اصحابه
ما راعتلـه حُرمَـه و داست احجابه
تـطـلُب ثـار إِجَـت للـثّـار طَـلاّبه
هالامر واضح مَـحْتوم هجمت عَله الزهره الگوم
و نْـهِدَر دَمـها خصمك ظَلَمها
***
الاول حـاط بيت الطـاهره بـالـنـار
و الثـاني عَلـيهـا دِفَـع بـاب الـدار
خَـلْف البـاب لاذت بضعت المختار
وصاحت يا علي وينك يحامي الجار
وينك علي داحي الباب هجمت عَليّه الاحزاب
وازداد هَمْـها خصمك ظَلَمها
***
خَـلْف البـاب أنّـَّت فـاطمـه اوطاحت
يـفُضـه سَنّـدينـي ابـصوتـهـا صاحت
مـاتـت وي جنينـي آمـالـي اوراحت
هِوَت فضه إِعله جسم الطاهره و ناحت
الرجس ضلعي رضّه محسن وگع يافضّه
و اشتد أَلَـمْها خصمك ظَلَمها
***
لَـن حـيدر يـجيها اودمعتـه تجـري
يگلها من عگب عمرچ شلي ابعمري
أَلـم صدرچ يبت المُـصطفه ابصدري
و لـلبـاري أَفَـوّض أَمـرچ و أَمـري
وصّاني أَبوچ المُختار ما أَسل عُگبه الفقّار
حنت عله امْها خصمك ظلمها
***
گـامت فاطـمه إِتْـوَصّي اوتِهل العين
الناس اللي اظلمتني وطاعت الشيخين
ماريدنهـا تحضَر دَفني يابـو حسين
خَصيـم البـاري هُوَه إيـصيرللجِبْتين
گبري أَريد اتْضَـيعه هاذي ابرگبتك بَيعه
كشفت هضمها خَصمك ظَلَمها
***
شــال أُم الحسن و تْـوَجّـه الكـّرار
الگبـر المُصطفـه إِيهل الدموع اعبار
ردّيت الوَديـعـه يـالنَـبـي المُـختار
رَدَّت و بْـضلـعهـا نـابـت البـسمار
يالهادي هاك الزهره بضلوعها المِتْكسْره
خل تشكي همها خصمك ظَلَمها
***
إبْـحور إمن الحقد يابن الحسن ردَّت
و عله الزهره ابفتاوي الاشعري اتعدَّت
مُِصِهْـله اخيولـهـا من كل كتـر هدَّت
طُفَـح كـاس الصبر و النايبـه اشتدَّت
صبرك تعده اعله الحد تنسه الصطرها اعله الخد
مَحْضَرت يمها خصمك ظلمها
***
ابوياسر الكعبي
تعليق