تويت
إي والشَفع والوَتـِر شيعي الهـويه أفتِخـر
والشرف والتضحيه آبـائي وأجدادي
عاشـگ أذوبـن وفـه بحُب علي وبالمصطفه
والـگـلـب من العشـگ مثل الجمر غادي
كل قطره من الدمه بشرياني علو السمه
تصرخ إبشيعيّـتي وتردد إنشـادي
التاريخ الي ينْـتِـسِـب وتشهدلي كل الكتُب
چـيف آنـه من الأزل تاريخ ميلادي
والمجد كل المجد إشما بالمكارم يجد ينتسب لمجادي
أسياد كل البشـر توگـف جلاله وقَـدَر
وكل روسها الشامخه تنحني الأسيادي
وانته إشيضرك إذا أشراف أهل الارض تحتفل بأعيادي ؟
إتسمّيني الرافضي ! وتكفّـر أولادي !!
چـي لن رفضت الظُلم والدين عندي حُكُم
الله سَـنَّه عَـلَيْ والشـرّعه الهـادي
الما تَبـي والتَبـي والله گــال النَـبي
كلمن يعادي علـي للخـالق إيـعـادي
أنتُفض روح وبدن وأعلنها إلك بالعَلَن
باسلافك آني اِلحَدِت بيهُم بيك إكْـفَـرِت
خل يوصلك ياشمـر كل كُـفـري ولحـادي
شيعي آنه أحبّن علي ما أرضه غيره ولي
الله عَـلَـيْ نـصّـبـه لأسمه وأجـل مـرتـبـه
وإعله الـسـراط امن أمـر منّه آخـذ إمـرادي
الحجّاج گـبـلك لِـفـه إبـگـطـع الـرگب مَكتفـه
عـگـب الصلب عالنخل عَلَـگـهِن أجسادي
وآبـاءك اللـي أجـو إشْـگـد رگـب گطّعـوا
كل هـاذه عن الوصـي مـا گـدروا إبـعـادي
ضنيت بغداد إلك تدفنها وسط الحيا
بغداد ماتندفن وتـگـص جميع اللِّسن
من گبل آدم وقف للمهدي بغدادي
خو جرّبتني وشفت ! ياما إذْ بَحِت و إذْ بَحِت !
وسيف الذبح للدمه إبـچـبده الحقد صادي
خو جرّبتني إشكثـر ؟ إنذبح وأنهض صَـبُر!
وسيف الذبـح يـنـثـني من يمر بُـفّـادي
ولو متت موتة شـرف مامـوت مـوتـة تَـرَف
موت النخل لو متت واگـف ولا أنحني لاسيـاط جـلاّدي
ما موت من أنـچـِـتل والله أبقـه عَـدِل
شما أنذبـح أحْـتيي إعله عناد حسّادي
من أندفـن أنوِلد عالكون خيمة مجد
شما فوگ راسي تِـدِگ تـتـثـبَّـت أوتادي
أتحدّه موت الصَلُب ما أنتمي الكلب حزب
خَلّصِت عمري وأنه بين الصبـر والمُنه
للصلب فـوگ الـچـتِـف حاملهن أعوادي
التقوى يعني الورع والورع يعني علي للآخره زادي
متعـاهـد آنـه بعهد وحيدر ميخلف وعـد
وي حيدره بالحشـر عالحوض ميعـادي
متعـاهـد آنـه بعهد وحيدر ميخلف وعـد
وي حيدره بالحشـر عالحوض ميعـادي
ابو ياسر الكعبي
تحياتي لك
تعليق