نزله للعباس عليه السلام -ارد اشيلن جوده

[سامي الكعبي]

نزله للعباس ابو الفضل عليه السلام
*******************************
زينب المهظومه ---- بدرب اليسر مالومه ---- وتحمل علل مرسومه ---- عن الشبل وعلومه
*************
ارد أقبل هالعلم ارد اشيلن جوده
ضامي وانت بهالالم عالنهر مكصوده
من مصايب هالظلم والطرق مسدوده
مالت رياحه التهب
وظلمه موحش هالدرب
عالجفيل بهالترب
جمرالفجيعه
ونت ديار الغرب --- عالجفيل بهالترب
جمر الفجيعه
غربتي المهمومه ---- وبهالجرح مسمومه
تحمل علل مرسومه ---- عن الشبل وعلومه
*********
ومن وصلت الساحته الكمر هز برأسه
راد يوصي بغربته يصارع بأنفاسه
حسين جوده ورايته ومنبعه ومقياسه
احمي ركب العايله
لوتميل المايله
من رزايه كربله
جمر الفجيعه
هالدموع السايله --- من رزايه كربله
جمر الفجيعه
صرخ قلبي يلومه ---- من شوفتك محرومه
تحمل علل مرسومه ---- عن الشبل وعلومه
**********
جنت اضنك عالنهر تنهض ترويني
شفت جودك ينتظر دمعتي يواسيني
ارد اعود بهألاثر عالدرب دليني
وكفت جدامي التصد
ولاابارح هالمجد
شمايعارضني البعد
جمر الفجيعه
انصب احزاني بوتد --- شمايعارضني البعد
جمر الفجيعه
ظل فاطمه المعصومه ---- يكصد رمال الحومه
تحمل علل مرسومه ---- عن الشبل وعلومه
************
عفت واحه بهالرمل والسيوف اسماها
زرع أهات ألاجل عالترب شكواها
وحصد جفين ألامل بمنجله وفركاها
الفركه رادت هالولي
رغم انف الجاهلي
يألثاراتك علي
جمر الفجيعه
كل همومك تنجلي --- يألثاراتك علي
جمر الفجيعه
رحلة الم معدومه ----وحسرة مرار همومه
تحمل علل مرسومه---- عن الشبل وعلومه
**********
رجع ميمون الحسين والسهام مصابه
جاوب خيامي بأنين حملته واسبابه
عفت مرفوع الجبين والشهاده كتابه
من نواصب ظالمه
لا ذمم لا مرحمه
ظل صريع بهالدمه
جمر الفجيعه
غابت نجوم السمه --- ظل صريع بهالدمه
جمر الفجيعه
من سطرتي المظلومه ---- وانفاسي هالمكتومه
تحمل علل مرسومه ---- عن الشبل وعلومه
**************************************
25-11-2010
الكعبي

[ناصرة ام البنين]

شكرا لك اخي على مجهوداتك الرائعة
دائماً أتحفنا بالجمال
أتحف اللهُ قلمك بالمطر الدائم
تقبل تحيَّاتي

[محـب الحسين]

رائع اخي العزيز
أحسنت وأجدت
جزاك الله أحسن الجزاء

[ابو محسد]

بسم الله الرحمن الرحيم
احسنت اخي العزيز المبدع سامي الكعبي وبوركت
ابو محسد

[عشقي محمد واله]

بسم الله الرحمن الرحيم

الحمد لله الذي لا يبلغ مدحته القائلون ولا يحصى نعمائه العادون ولا يؤدي حقه المجتهدون
وصلى الله على محمد وأل محمد الطيبين الطاهرين هم أهل الهدى وهم سبل النجاة والتقى
اللهم عجل لوليك الفرج

باركـ الله فيك اخي الموالي

وجزاك الله الخير

ورزقك شفاعة محمد واله وزيارتهم

وفقك الرحمن

[طالب العبودي]

احسنت

احسنت وبارك الله فيك اخي العزيز وهذه تحياتي اخوك مله طالب العبودي وتسلم يمناك الحلوه