تويت
جرحي شنهو يضمده ---- السجاد راح لمشهده
آل أمية ما كفاهم قتل الحسين ------ كثرت همومي عليه وجرحي جرحين
عمك العباس قطعوا كفينه ثنتين------ والسهم نابت ابعينه وراسه نصين
والضلع ينعاد كسره يا ضيا العين --- مو بمسمار الحقد بالخيول كسرين
بت محمد والشقا في دموعي بحرين ---- ما رعوا حق النبوة والنار نارين
نار حيدر وقدوها مو بحرب حربين ---- رفع سيفه بالجمل وصفين حدين
ونارك حيرتني يا علي بين أمرين ----- دمعتي مقسمه والحزن حزنين
واليوم ضعلي اسنده ----- السجاد سمه يمسده
آل أمية ما كفاهم قتل الحسين ------ كثرت همومي عليه وجرحي جرحين
عمك العباس قطعوا كفينه ثنتين------ والسهم نابت ابعينه وراسه نصين
والضلع ينعاد كسره يا ضيا العين --- مو بمسمار الحقد بالخيول كسرين
بت محمد والشقا في دموعي بحرين ---- ما رعوا حق النبوة والنار نارين
نار حيدر وقدوها مو بحرب حربين ---- رفع سيفه بالجمل وصفين حدين
ونارك حيرتني يا علي بين أمرين ----- دمعتي مقسمه والحزن حزنين
واليوم ضعلي اسنده ----- السجاد سمه يمسده
يا علي زين العباد من سماتك سموك ----- الكعبة تشهد والخلق من سجودك عرفوك
والفرزدق عّرّفك ومن قصيده ذكروك ----- والقوافي تزينت ومن عذبها مدحوك
حجة الله يا علي شلون يا بني عادوك ----- والخلافة والامارة مثل حيدر سرقوك
مثل ما آذوا محمد بالخساسه آذوك ---- بحقد سفيان وأمية من بدرها نقموك
أشرقت شمسك علامة ومن جمرها خافوك --- مولعة ليوم القيامة تحرق اللي خانوك
حكم الله شدده ----- آل أمية مقصده
والفرزدق عّرّفك ومن قصيده ذكروك ----- والقوافي تزينت ومن عذبها مدحوك
حجة الله يا علي شلون يا بني عادوك ----- والخلافة والامارة مثل حيدر سرقوك
مثل ما آذوا محمد بالخساسه آذوك ---- بحقد سفيان وأمية من بدرها نقموك
أشرقت شمسك علامة ومن جمرها خافوك --- مولعة ليوم القيامة تحرق اللي خانوك
حكم الله شدده ----- آل أمية مقصده
تسابقت الانبيه من نسيمك تتعبد ------ الصحيفه حاويه والكمال يتجسد
أدعيه للموالي والوسادة والمرقد ----- للصحاح الضمانه والقيادة والمسند
كل حرف مدرسة والصفوف تتهجد ----- تنبني الافكار حره والدرب يتعبد
لصلاة الليل دوره شيدت معبد ---- والسجود انكتب حبره بالشهاده اتخلد
والتوجه في الصلاة ابدعائك أتأكد ---- شيعتك نسجت مثال من قنوتك اتحدد
الشيعي الله مسدده --- من دعائك عّبِده
أدعيه للموالي والوسادة والمرقد ----- للصحاح الضمانه والقيادة والمسند
كل حرف مدرسة والصفوف تتهجد ----- تنبني الافكار حره والدرب يتعبد
لصلاة الليل دوره شيدت معبد ---- والسجود انكتب حبره بالشهاده اتخلد
والتوجه في الصلاة ابدعائك أتأكد ---- شيعتك نسجت مثال من قنوتك اتحدد
الشيعي الله مسدده --- من دعائك عّبِده
ترجع أفكاري واذكرك ابقيدك اسير --والعيال تنتحب يا علي وين النصير
خوتك اعلى الهزل والحاله خطير --- والحل مو عندك ولا عندي يصير
وين العداله يا خلق وين الضمير ---- وين الحميه والشهامه والعشير
يصير تتمرمر هلي من هالحقير ---- ما تذكروا أقوال بويه بالغدير
واليكم علي نبراسكم والأمير ----- وعترته ريشي ونعامي والحرير
الدين مسخه جمده ---- يزيد كفره صعده
خوتك اعلى الهزل والحاله خطير --- والحل مو عندك ولا عندي يصير
وين العداله يا خلق وين الضمير ---- وين الحميه والشهامه والعشير
يصير تتمرمر هلي من هالحقير ---- ما تذكروا أقوال بويه بالغدير
واليكم علي نبراسكم والأمير ----- وعترته ريشي ونعامي والحرير
الدين مسخه جمده ---- يزيد كفره صعده
تدري يا وليدي سموك العليل ------ من مصايب كربله اسمك اصيل
تتقطف تموره من زينب نخيل ----- وابنهر عباس يتمرغ سبيل
والحسين ايلبسه بثوبه الجميل ------ والرؤوس اعلى الرماح اكبر دليل
ينتفض نسرك من يسمع صهيل ----- ويرفرف اجناحه ولكربله الرحيل
وبهاي السبب سموك سجاد العليل --- ما تخف الاحزان ودهرها طويل
مصاب ابني اسرده ---- اليوم عندي موعده
تتقطف تموره من زينب نخيل ----- وابنهر عباس يتمرغ سبيل
والحسين ايلبسه بثوبه الجميل ------ والرؤوس اعلى الرماح اكبر دليل
ينتفض نسرك من يسمع صهيل ----- ويرفرف اجناحه ولكربله الرحيل
وبهاي السبب سموك سجاد العليل --- ما تخف الاحزان ودهرها طويل
مصاب ابني اسرده ---- اليوم عندي موعده
تعليق