نارك ونار العطش..

[شاعرة بابل]

محتاج اشوفك حلم وردي بليل حزني
وامسح دموعي بجفوفك كطرة كطرة
وارد اوصفلك شجوني وسر عذابي
حتى اسمع صوتك بكل روحي نبرة
يافخر يوصل الك وانت الاصيل
وياعلم روحي اليرفرف طول عمرة
حتى ايد الموت ماكدرت تلوحة
والدهر شالة خلود وحكم بامرة
انت كلمة تعجز تلمهة الشفايف
وصعبة يحجيها اللسان بغير عبرة
وانت نسمة من الجنان تهب علينة
تطفي نيران العطش بكلوب جمرة
انصوم يامولاي تموز وتعرفة
وتدري ساعاتة طويلة ونارة كبرى
وبينة نيران الصبر تلهب ياغالي
والظمى يحز بالقلب نارة ويفطرة
ووية كل هذا الصبر يومية اذكرك
وتنولد دمعة اعيوني بعين حمرة
ارد اسلي الروح بطواري العزيز
حتى تنسى اوجاعهة واهتهة تبرة
ندري وي الغروب نروي كل عطشنة
وتطفى نار الانتظار بكل مسرة
لكن انت الي ثلث تيام عطشان ووغريب
والفرات يحاول لرجليك يوصل بالف مجرى
ياصبر هذا العليك وبيك عالكون افتخر
لان شلتة ابين مهجة وروح حرة
سيدي بكل شوك يبجيك الفرات
وتلطم الموجات بيه اعلى الجروف وصوتة حسرة
سيدي ونذكر ظماك وية الصيام ونجر ونة
ونطلب من الله نفوز بفرد نظرة
من ابو الثارات وننول الشفاعة
والصراط بدعوتك نكدر نعبرة

[محب الرسول]

أحسنتِ شاعرتنا المميزه
بارك الله بكِ
في ميزان اعمالكِ
تقبلي خالص التحايا

[شاعرة بابل]

بوركت اخي العزيز محب الرسول
شكرا على المرور الراقي..تحياتي لشخصك الكريم

[محـب الحسين]

أجدتِ اختي العزيزه
تقبل الله صيامكم وقيامكم
دمتِ ودام هذا العطاء المميز
جزاكِ الله أحسن الجزاء

[شاعرة بابل]

بارك الله فيك اخي المحترم..محب الحسين
نورت الموضوع بالمرور العذب..مع خالص الشكر