قصيدة / غالينه وْولينه

[سعيد الفتلاوي الطويرجاوي]

قصيدة / غالينه وْولينه
..........................
..........................

هله بميلاد غالينه وْولينه
حسن مولاي نورك من نبينه

........................

الك مولاي من جدك كرامه
زعيم تكون سيد للامامه
ولي عالناس واليوم القيامه
نروح فداك ربان السفينه

........................

علي الكرار مبروك الولاده
نعيش افراح تغمرنه السعاده
بولادة ليث منك للقيادة
امام يكون قائد تابعينه

........................

رفعنه اليوم للزهره التهاني
جُمل واشعار سطرنه المعاني
ودعينه الله يرزقنه الاماني
بحق مولود هاليله ارتجينه

........................

كريم البيت محلاهه المقوله
الكرم والجود ماخذ بي بطوله
تظل للدوم عنوان الرجوله
الضعيف الحال توگفله وتعينه

........................

فرح واعياد مولد مجتبانه
سمه الرحمن فرحانه وجنانه
حبيب الشيعه تتمنه زمانه
ينور النور ومضوي علينه

........................

تفاخر بيك اهلك والعشيره
عِلِم واحكام تحمل والبصيره
امام الدين فخره وْيا اميره
نريد وياك بالجنه دعينه

........................

تمنيت البقيع اوصل وزوره
وجيب وياي اهلي والنذوره
ترد بزيارتي الگلبي سروره
وقبل تراب ارضچ يالمدينه

.....................................
.....................................

خادم اهل البيت ( ع )
الشاعر /
سعيد الفتلاوي الطويرجاوي

[احمد العراقي]

[محـب الحسين]

متبارك اخي العزيز
بولادة كريم أهل البيت
سيدي ومولاي أبي محمد الحسن المجتبى عليه السلام
جزاك الله أحسن الجزاء

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعدااائهم

متباااركين بمولد سيدي ومولاي الإماام الحسن المجتبى(عليه السلام)

[سعيد الفتلاوي الطويرجاوي]

مبارك علينا جميعا مولد
الامام المجتبى وفقكم الله احبتي

[رنوومة]

جزاك الله الف خير

كلمات جميله ورائعه

يعطيك العافيه

[صـبا]

شكرا يعطيكم العافيه