قصيدة / يالحبيبه

[سعيد الفتلاوي الطويرجاوي]

قصيدة / يالحبيبه

............................

كربله انتي يالحبيبه
للجنان انتي قريبه

...................

تربتچ تربه عظيمه - مطهره او حره او كريمه
جنة الباري او نعيمه - كل عطر هيه نسيمه
والمَلَك بيها مقيمه - عالكرامات العجيبه

...................

كربله حبچ عقيده – يْحلي اِسمچ كل قصيده
الكل موالي انتي نشيده – والگلب حبچ يريده
صرتي شريانه او وريده – والگلب عطرچ طبيبه

...................

كعبة الاحرار صرتي – عالي راسچ ما ركعتي
انتي عز الشيعه انتي – من وفه حسينچ شربتي
بهالوفاء انتي ارتويتي – للعليل ارضچ تطيبه

...................

الكربله نوصل نطوفه – بكل خميس احنه ضيوفه
گبر ابو اليمه او نشوفه – والله مانگدر نعوفه
نضحي لاجله والطفوفه – رمز الاعلام المهيبه

...................

بيها مفخرة العشيره – الضحه للدين او اميره
جاهد ابروحه او مصيره – ياهو بالغيره نظيره
مايرد كلمن يجيره – كافل الحره النجيبه

...................

كربله روح الهدايه – بارضچ انوار الولايه
نرتجيهم بالعطايه – بس نصفي احنه النوايه
بيهم اعبرنه المنايه – بكل قضاينه العصيبه



.................................
..................................

خادم اهل البيت ( ع )
الشاعر
سعيد الفتلاوي الطويرجاوي

[محـب الحسين]

أجدت شاعرنا العزيز
طيب الله أنفاسك
وجزاك أحسن الجزاء

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين وعجل فرجهم وألعن أعدااائهم
كلماات منيرة
داائماً مبدعاً شااعرناا الله و يوفقك بحق محمد وآله(عليهم السلام)
ويحرسك بعينه التي لا تناام
في ميزااان أعمااالك
في الأنتظااار كل ماا هو جديد

[عاشقة ام الحسنين]

اللهم صل على محمد وال محمد وعجل فرجهم ياكريم
احسنت على الكلمات الرااائعة
بارك الله فيك على الطرح الهادف ومتالق