تويت
ثغب حته الرعيد بجيتك عاشور
وضل يحرك بروحه ويلطم ابحسره
وذب ضيه الكمر وهدومه صارت سود
واذا تنظر ابراسه تشوف اثر طبره
سوده الدنيا صارت والغضب ملحوض
والغيمه بسمانه اتحولت حمره
مختنكه البشر والدنيا جنها كبور
وملائكت العرش والناس متوتره
ياهو تصدله عيني تشوف بس ينوح
وكل الناس تنعه وجوههم صفره
او مو بس البشر عدهم عزا يلطمون
الدنيا اتجودرت من حزنت الزهره
حسين اسمك فقط لو اذكره كلبي يلوج
شلون اهده بمصابك دمعي ماهدره
والمايبجي على قصتك هذا مو انسان
وماشايل كلب ثق وعتقد صخره
لاحاشه الصخر وشدخله بالموضوع
هم سوت عزاء ولطمت الصخره
حبك ياحسين ابكل كلب مغروس
ومجنن عقول العالم اباسره
جم سنين مرت محت كل الصار
بس انت البقيت ابكل كلب ذكره
ماينساك مؤمن صادق الايمان
والينسه المصاب شلون ماكفره
كبل عاشور تلكه احبابك ايلوجون
مترقبه المصابك كلها متحضره
هذا اللطم صدره وهذا حنه الراس
وهذا البلسلاسل هم يدك ظهره
حقهم ما نعاتب كلشي خي سوون
المخبله العشك مرخوص ونعذره
وميهمنه ابد تهديد هذا وذاك
عود الغو الشعائر!؟ ونسو العتره!؟
لاوالكفل زينب لاوداح الباب
تجدد الذكرى شما تمر فتره
منعوف الطريق البي هدى الرحمن
واذا يلزم نضحي انضحي وبكثره
هذا الحبك انت من الزغر هاويك
عنده اسهل امر لو سلمك عمره
اليحب لجل اليحب يخسر اهواي اشياء
بس عنده المهم محبوبه ميخسره
وماضل شي قليل الثورة الزوار
ومن هاي القضيه انوصل الفكره
والرايد يفجر عادي فجر الناس
من اتفجره انت اتسهل ابامره
كبل هوه عدل لو زار رد للبيت
وهسه الروح تبقه هناك بالحضر
*****بــــــــقلبي ******
تعليق