ليه الخيانة في النفوس ليه القوي دايم يدوس ؟؟؟؟؟؟

[بدايات فرح]

بسم الله الرحمن الرحيم ــــــــــــــــــ
ليه الخيانة في النفوس ليه القوي دايم يدوس ؟؟؟؟؟؟؟؟؟؟
وين العيون ؟
راحت مع ذيك العيون..!
حتى الظنون..
خابت مع ذاك الجفا..



ليه الخيانه في النفوس...؟
ليه القوي دايم يدوس ..؟
وليه الفقر وجهه عبوووووووس!!
وما أعظمه اللي خفا



ليه الكبير
ما ياخذ بيد الصغير؟
وليه الصغير
يبقى على حاله صغير؟
وليه الظلم صاير كثير...؟
وليه البرد ما به دفا.؟




ليه الوفا?
في دنيا مافيها وفا..؟
في دنيا ما فيها صفا
غير الخيانه والجفا..!!




وين العطا وين الحنان؟
وين المحبه والامان..؟
وينك يا ذاك المكان؟
ياللاسف انه أختفى..!




ليه الحسود فيه الحسد
وكنّ ما عنده ابد
وهو ماله يكفي بلد
هذا مرض ولا له شفا ..!





ليه المصالح في الصديق
وليه الصدق ماله رفيق
حتى الطريق دايم يضيق
وليه الوفا فينا أنطفى ..؟




ليه الكلام ليه الجروح ..؟
نجرح بعضنا في وضوح
وتنهدم فينا الصروح
ونِدِّعي انه أختفى!



ليه السعاده أختفت ..؟
وليه الشموع فينا أنطفت .؟.
وليه الحبيبه ما وفت .؟
والجرح بالجرح إحتفى !



ليه الثمن ؟
كل شئْ صاير بالثمن ؟
حتى الزمن ..
ياخذ ثمن .. (عمرك ثمن) !
ياخذ ولا عمره أكتفى ..!





للأسف هذي الحقيقه
كل واحد في طريقه
ويطلع على أكتافه رفيقه
وتندثر كلمة وفاء !





ونبقى دايم ضايعين !
في هاليتامى طامعين
ونقول يالله يامعين
وللايادي رافعين !
إقبل دعانا في الخفا ..



ونموت وإحنا بلا عمل !
ونقول وش اللي حصل !
اللي حصل مات الأمل
وياللاسف مااااات الوفاء !!!!!!
وياللاسف مااااات الوفاء !!!!!
!وياللاسف مااااات الوفاء !!!!!!

[عاشقة ابوالحسنين]

الصرحة موضوع رائـــــع اختِ
بس الان ماعندي رأي

[بدايات فرح]

يسلمو على مرورك اختي الموضوع

[دلع السعوديه]

قصيده جميله جدا ومعبره ايضا
دام قلمك مبدع
موفقه

[ابن الشاعر]

السلام عليكم
كلمات جميله ومؤثره
وفقكم الله
اخوك ابو مهدي

[@ميقات]

وياللاسف مااااات الوفاء !!!!!!
وياللاسف مااااات الوفاء !!!!!
!وياللاسف مااااات الوفاء !!!!!!


وماعندي رد على هالكلمات الحقيقيه التي ملات هذا الزمان