الى سيدة نســــــاء العالــــــــــــــم اباسره
الى بضعة محمـــــــد والـــــــــــــــد العتره
الى جنة علــــــــــــي وروضة على بدنياه
الى كوثر علـــــــي بعالــــــــــــــــم الاخره
الى ام الحســــــــــــــــن وحسين والعلباب
ظل شاهــــــــد عيان لفاجعــــــــــة عصره
الى فاطـــــــــــــم الزهره وفاطر الحوراء
الصديقـــــــــه البتول ومريـــــــــــم الكبره
سلام من الكلب امابعــــــــــــــــــــد بعدين
عبره بصــــــــدري ظلت تكتـــــــل العبره
احجي بكيفــــــــــي اريدن والكفيل جفوف
عباس مــــــــن اسولف مجمــــــل الفكره
ويزعل مومهم خــــــــــل يزعل المسؤول
بس صعبه عليكم تزعــــــــل الفقــــــــره
مولاتي بزمانج فقـــــــــــــره صح وايتام
اسره وجان ابــــــــو الحسنين رب اسره
هسه الفقره ظلت واليتامه تلــــــــــــــوع
والوالي المبجل يحلـــــــــــم بقصــــــــره
بيت المال شجره واليتامــــــــــــــه طيور
ولان الكاع حيـــــــــدر فيت الشجــــــــره
حيدر راح عنهــــــــه ونشف عنها الماي
اذن حقهه الطيــــــــور تعاود الهجــــــره
علي افقـــــــــــر فقير وجان اغنى الناس
ومن كــــــــد مافقير اتسلق الشهــــــــره
لذلك كرمه الخالق وسام الفــــــــــــــــوز
ولان افضل وسام اتقلـــــــــدج صـــــدره
وجودج فاطمــــــــــــــه مركز ثقل للكون
وبدونـــــــــج للفلك ماتكتمـــــــــــل دوره
ياام لمحمد يعنـــــــــــــــــــــــــي ام الدين
ياقبلة دعــــــــــــــاء الحاير ابامـــــــــره
ياكسرة ضلع حسره بصدر مخنـــــــــوك
اما ان الاوان وتنجـــــــلي الحســـــــــره
اكتب حته اشوفج واحلم بملكـــــــــــــاج
وشيجيب الحقيقه اويه الحلــــــــــم مره
محمد جان ابوج ويوكف اعلــــــه الباب
وملائكة السمه اعلـــــــــه الباب تنتظره
يوكف ينتظر يستأذنــــــــــــــــــج مرات
لان يدري الحياء بكصتـــج حضــــــــره
ماي اكبال عينه وهوه صايــــــــــم دوم
لذلك من يشوفج يرتــــــــــــــوي بنظره
ونا العبد الفقير بياوجـــــــــــه لــوجيت
ادك باب الرسالــــــه اواكتشف ســـــره
ولو ادري القصيده وشاعــر اهل البيت
مثل شاعرهه احسن ظلـــــت مقصـــره
غركان ومحبتج عالجـــــــــــرف سباح
ونا جفوفي قصيده اويــه الجرف تبره
صاحب حاجه اعمه وكرم جفـــــج نور
نكطه اببحر انه وجفج شكبــــــــــــــره
اطلبج بالدموع الفاضت اعلـــه حسين
بالحركه اعله زينب والمشـــوا اســره
باجر من تجين وبيـــــــــــدج الجفيـــن
يشكن للاله الفاجعــــه المــــــــــــــــره
اذا نشدوج عنــي ومني ضاع الصوت
شاعر كولي هــــذا وخادم الزهـــــــره
المنصه اكبالي مهره وحضرتج ميدان
لذلك افتخر من اعتلي المهــــــــــــــره
بقلم الشاعر المبدع
سعود الخفاجي
المواضيع المتشابهه
العرض العادي
