شكَد أعياد مرت يا وطن بيك
ولا عيد الضحك سنه ويه جلاسك
ونسمع بالمدارس رنت أجراسك
ونفطك عالوتر يعزفلك إفلاسك
وما شفنا النزع ثوب الطمع فد يوم
ولا واحد مسح دمعاتك وباسك
كلها بخيرك تبوك وتربي كروش
وكَامت عالكراسي تذبح بناسك
وحكامك نهجهم بيك بس اعلام
وكلها مخدره أعلى الباب حراسك
وسكران الرئيس استقبل الغازين
وبجدم الخيانه أعلى الضلع داسك
وشلع كَلب الشمال وسلمه لسرجون
وحط ايد اليهود تكفخ براسك
ومسؤول الحكومه بثرثرة جلاد
تسليم الامانه بأيد محتلين
حطك والمشانق كَطعت أنفاسك
رفع اسمك شعار الدولة المجنون
وأكذوبة شعاره اندكَت بساسك
المواضيع المتشابهه
العرض العادي
